Pancake

好多時行超級市場時, 媽媽都會問: Javier想唔想食pancake呀?  佢每次都會答: 唔想, 所以每次都無買倒.  今日同Daddy, Javier一齊行超級市場時, 媽媽又一次行去賣pancake粉嘅地方, 今次媽媽問: Daddy整唔整pancake食? Daddy答: 好呀!  哈, 今次終於可以買pancake粉整pancake lu. 

由於媽媽第一次整pancake, 而個盒又無講明幾多粉加幾多水, 只係話”add water”, 所以都係試小小先, 如果唔係, 失敗咗, 咁盒pancake粉就浪費哂啦.

點知唔整還好, 一整........ 簡直係........ 好味到停唔倒口呀!  佢兩父子, 我一路煎, 佢哋就一路食, 攪到我煎都煎唔切.

Daddy仲攞哂啲蜜糖呀, 牛油呀, 果jam呀出嚟.  你睇, Javier幾有心機塗pancake.

最後, Daddy見媽媽只係有份整, 無份食, 所以佢都親手整幾塊比我哋食.