Garden Fantasy@Telford Recreation Club 德毅結婚展

早前應德毅會邀請参加佢哋嘅展覽

當日我哋除咗有攤位之外

仲要替婚紗Show嘅Model化妝, set頭

仲要上台做高清化妝示範, 節目非常豐富~

當日我一早隻身返workshop

手上攞住一大袋相簿, Model婚紗

公司招牌, 仲有宣傳單張, 化妝燈相

嘩~身水身汗, 個天仲要落住大雨

我成身都濕晒, 又未食嘢, 真係有d好辛酸嘅感覺~

到咗會場, 我d學生就幫手setting, 開始做嘢啦~

因為時間只有約2小時就要完成7個models, 仲有好拍擋MC Maggie,

真係分秒必爭, 大家分工合作, 我都分唔清邊個做緊乜

總之就係要d妝同頭都靚, 靚, 靚~

先係靚靚Mc Maggie出場, 佢係見慣大場面, 當然係有晒台型啦~

一出場就有不少拍掌聲, 真係令全場氣氛都好好呀~

到Model出場, 佢哋全都係以金啡Smokey eyes 配淡粉紅胭脂同咀

效果好出, 頭飾係係帶同鮮花, 清清哋, 簡簡簡單單

配合Garden Fantasy嘅主題

不過我就無得睇呀 唉~ 睇相啦~

因為要係後台幫手, 有少少失望

當的呀婚紗老闆娘同我都好緊張~

我睇都只有一個希望, Good Show~

出嚟效果大家都好滿意, 個個model都咁靚, 好開心, d Model都好開心

婚紗老闆娘仲偈埋日後一齊合作添呀~ So Nice!!!

多謝你哋呀乖乖學生錫哂你~

婚紗show之後, 就到March in示範啦~

兩位德毅嘅同事真係好似真嘅一樣, so sweet~ 唔通........

可能有機會戲假情真~

之後仲有抽獎, 不過就無我哋份

好似有份係成14萬架~

之後就係我做高清示範啦~

先幫Model DaDa 做咗個日妝, 再用Air Brush 轉妝

我用咗Air Brush都有一段長時間, 真係好鐘意個質感好細滑嘅感覺

又方便又快, Da Da 都好鐘意, 最衰我結婚無啦

當日參觀嘅人都好多架, 你哋睇吓台下面

真係座無虛席, 有少少名星feel~

Dada真係我好愛嘅Model呀, 人又好又靚

仲係越嚟越靚個種~

當日大家都好辛苦, 我哋不停化, 化, 化, Maggie就不停講, 講, 講

但都個Show完咗, 大家嘅努力都無白費

滿足感100分, 仲有大家一齊出生入死

就算身水身汗, 做到手抽根都無計

之後係7月中又要再戰會展Wedding Expo一定會做得更好~