補bLoG BlOg - 一切由馬小B開始 - 日間入院記

36周1日

今日既經歷真係難忘,真係咁大個女都未試過.......

話說今日如果去廣華覆診,今次醫生會講番上星期照超聲波既報告,醫生都係先檢查心跳,BB SIZE同位置,跟住就同我講,上次個照羊水報告,都係見到羊水多左少少,咁我話即係幾多,指數去到幾多,佢話正常應該24左右,我去到30,個時都驚一驚;跟住醫生都問我,你有冇肚痛呀,食野想嘔呀,我話咩事都冇喎,咪好似平常咁,跟住佢又問,咁BB有冇郁丫,我話佢日日都郁架啦,好似跳舞咁,跟住老練既醫生就話:"咁咪即係冇野囉!"

其實聽到佢呢句個心真係定好多,因為連私家醫生都話,有時羊水多真係冇原因,多就係多;不過.....係開心之後,醫生說話要安排我日間入院,冇錯,係日間入院!因為佢想我6去檢查下BB既心律,為時半個鐘,睇下BB既心律係咪正常同埋佢既郁動,聽到要入1院已經好驚,仲話要聽佢既心律就更加驚,唔通話BB既心有事?

於是我就出左去等上病房個到等嬸嬸帶我去聽機,個一刻真係喊左出黎,一黎得我自己一個去覆診,加上聽到醫生咁講,仲要話入院(雖然話日間姐!),個刻真係好怕......

上到病房,一個好NICE既姑娘就幫我駁儀器,係用黎CHECK BB既心律同郁動,半個鐘為止;起初妹妹偷懶訓著覺唔多郁,結果姑娘要搖我肚仔佢先肯起身跳舞;好快半個鐘就完,醫生會即時睇報告;好好地醫生話冇問題,可以走得,即時鬆一口氣!

下星期就開始一星期檢查一次,即係代表妹妹好快就出世喇,真係好期待呢,馬MAMI同妹妹,你地要努力呀!