模擬面試

當個個家長好努力為佢哋嘅小朋友搜集有關元朗各小學嘅資料時，我呢個媽媽都只係一廂情願咁希望軒軒可以入到屋企隔離嗰間，因為貪佢夠近夠方便，不過要入都唔係咁易，所以我諗都要敲門試吓interviews，於是就响臨瞓前rehearse一下：

媽：你叫咩名呀？

軒：ｘｘ軒

媽：你最鍾意食乜嘢呀？

軒：朱古力

媽：你平時又鍾意做乜呢？

軒：唔．．．跑步

媽：咁你又鍾意乜嘢運動呢？

軒：都係跑步　（係，佢係日跑夜跑，未經訓練嘅亂咁跑）

媽：你覺得你最叻係乜呢？

軒：（毫不猶豫）英文

媽：你又知？點解你覺得你英文叻？有人同你咁講過？

軒：唔係，係我自己知　（頗有信心但並不驕傲）

媽：咁你最差又係咩呢？

軒：（同樣地非常肯定地回答）係坐過山車

哈哈，我呢個仔就係咁坦白同直率，唔會掩飾　（不過間唔時都會講吓大話），呢個都係長處啩，不過要interview又點會問啲咁易嘅問題呢？下次要比ｄ有難度嘅先得！