2008 必達夏日長跑 8km

今天只有21度，雖然有毛毛雨，但我覺得很適合比賽，很好彩，近幾次比賽天氣都好好。

比賽由馬鞍山運動場起步，沿單車徑往沙田方向至折返點回運動場。

差不多在隊尾開跑。

開跑時見到一位外籍男人好面善，半禿白髮，年紀大概五十歲吧，我記得曾經在多個比賽見過佢，而我更記得每次我都搵佢做anchor，然後次次都比佢放甩。

今次我決定不理時間，一於死跟著他！ 追男人追到咁不顧一切，還是第一次。



結果皇天不負有心人，我全程都可以見到佢既背影！這男士速度好平均，看來像跑得不太快，但堅韌力夠，沿路慢慢地不斷過人頭，我有時跑得不夠專心，他又跑遠了。最後過終點與他相差二百米左右。

今次只有一個水站，大概在4K前少少吧，一見水站，不知是否太興奮，將水杯捏扁少少來喝，大力過龍，水標進鼻子裡，嗆得我不得了。我連喝水都搞到一鑊粥，真的服了自己。

上兩次黃總陪跑，讓我學到控制速度的重要，開頭唔好去得咁盡，慢少少其實可以預備後段有力繼續。

結果大概42分半過終點吧，沒橫隔膜痛，又可以見到anchor的背影，已經好開心。

多謝 Franc Franc 在場影相，讓我有張相留個紀念，證明跑過！不過個樣好似就死咁，次次都跑到個form走晒樣，又八字腳，下次又要提醒自己注意呢！！

跑完與幾位跑友吹水拉下筋，又與一位中學學弟相認，不錯呢。