我真係毒到咁?

我深明停筆停得太耐就很容易停一世的道理。

毒不可耐。



我要寫一件早兩日發生、很小很小的事。

要考試, 出門口, 開大門,
開門一刻我瞥到對面鄰居在家門口罅閃過, 對望了0.15秒, 好像她又即將出門, 我沒理會, 繼續出門。快走到走廊盡頭, 到電梯大堂, 我聽到開門聲, 回首一望, 她出了門口, 我又沒理會, 插耳筒, 等lift。

開始奇怪她怎麼還未出來大堂, 再過一會, 樓下升降機開門, 剛巧被我注意到, 條友入咗lift, 走咗! Screw you!

其實我並無跟她結過怨, 平時碰面也有打招呼, 十幾年前經常入走她家玩, 她又不時來我家……二十年對面鄰居,
「點解要避開我?!???」

不過, 這非我看到之後的第一個反應。我笑咗, 真係笑咗。這種做法, 很徹底, 某程度上我看體諒和欣賞。這不是多一次不如少一事的態度, 而是厭倦應酬、寒暄式的對話。(除耳筒)「咦喂~ 落街呀?」「係呀哈。」「哦~!哈哈」「……」「……」事實上, 有時行街迎面碰到熟人, 他問你一句「喂去食飯呀?」, 本身的確只求問, 問題的用意不在於你答, 也不是想體驗Doppler effect, 我們的腳步依然相反方向地走著, 只是一個形式。這不但得不到任何知識層面的交流, 連友誼也增進不到。

與其如此, 不如灑脫一點。

可能說, 如果連說也不說, 友誼增進不到之餘, 更反而會倒退, 因為引來不必要的猜忌: 何為他碰到我也不發一言? 連Hi-Bye friend也不如?

對啊-----可是, 假如受者是我的一類人, 跟施者是同一類人, 以上不必要的猜忌, 大概不會發生, 不會介懷。大家一刻四目交投, 笑而不語地走過, 笑, 是會心微笑。

「是的, 我毒到另一個境界了。」



回到當時的情景, 本來相安無事, 不過被我發現到, 搞到而家成件事好核突。我在此呼籲朋友下次要再徹底一點, 落兩層樓梯, 抑或上一層, 抑或過兩個字先出門口。最緊要不會有近距離互相意識大家存在的機會。

人際間的隔膜, 不是由此而生。有這樣的想法, 正正因為人際間的溝通倒退了。要增進友誼, 何不互相花一點點時間, 坐下吃個下午茶呢?




呢個佢, 其實係一名師奶。我仲幫佢個仔補過習添。

這是師奶的生活智慧。誰敢說師奶不善交際、不懂人情世故? 畀佢一見面一開口…