War Game樂

很享受AL後仍然能聚起來訴心聲, 與朋友迫攻供

真心話真好。

三點半分手前, 還說:「希望聽朝八點北京見到你」

打完morning calls, 八點, 當晚班人只有我一個到。呃, 中計。

結果跟久未露面、冇朋友的陳j切磋, 一邊食早餐…然後有唔係打wargame的老闆出前。

戰至九點, 準時出現的人根據老闆回報共七人。九點十五分, 齊人! 專車亦可以準時九點十五分開車, 很好。 (而老闆被昆來睇左一個鐘波, 對唔住)

星期三看天氣報告, 說星期五有驟雨。都冇計。

但竟然天公造美, 下車後抬頭望, 天很藍, 有幾舊灰雲。之後, 只有愈來愈曬…

再望多望, 果然是法證先鋒取境地方。 紅豆! 綠豆! 戇豆! 想不到連橋也是他們構思…難怪如此hard sell, 電視不斷重播劇集片段, 「成個鄧明龍咁」。

經過一輪手續後, 由7C聯隊對7B隊 10打10 (巧合), 納齊架生出發第一個戰區, 高屋戰壕

首嘗野戰, 玩法: all kill。用打機的心態前進, 很快死了。刺激。

然後兩隊互換起點, 再砌過, 刺激。接著是搶旗, 漁塘戰、保護felix政要戰、平原戰、巷戰。

我做了team kill王。

對唔住侯den, 射死了你兩次

對唔住陳j, mouth shot了你

高潮和我真的亦敵亦友, 在漁塘和他一起camp時, 潮射殺j後失足跌落山, 直到下低溪澗…然後中門大開, 我蠢左, 身處以為sam見唔到嘅地方, 結果被他零距離射膊頭, 燒焦了x_x

在大平原戰區搶旗末段, 與人於草叢翻哂跟斗、射到冇彈, 想豁出去肉搏之際, 發現原來係高潮, 潮了, 被喺安全區班花生7c友恥笑, 成為經典。

不得不提, 場地提供全套gear, 由軍帽、面罩、軍褸、軍褲到手襪, 使人毫無顧忌、毫不鍚身的豁出去, 超近距離親近自然環境: 任何姿勢地全身貼在草地泥地, 任由昆蟲在身上爬行, 也要屏息靜氣, 只為不打草驚蛇; 面與泥漿一罩之隔, 甚至我以頭從密叢中開路, 整塊腳掌陷入泥沼、水澗…有時, 太悶時會停下來, 拋開戰事, 或橫躺在野草上, 看流彈上的樹葉, 樹葉間的陽光, 或零距離細察甲蟲的動態…

都是平時沒有的體驗。

最後跟一班三十幾個名乎其實來自旺角的o靚仔打, 目標是打Q佢哋頭盔佬阿sir。戰前felix已明言「一陣會有好多不死身」…戰後, 不分勝負。我方圍攻, 敵方死守。但感覺已非為爭勝, 而是想射到對方肯認死。大家都一肚火, 也有些掃興。        

其實, 大家情況也不無兩樣。

男人, 尤其是少年, 都單純地好勝, 不顧入戰場後的基本道德和規則, 也不尊重野戰的專業。 我們也會。 輸了沒面子, 嬴了卻可以很威水。 輸了沒命子, 嬴了卻可以保命之餘光宗耀祖, 我鄉下有經歷過越戰的人已屈緊機了。 簡單來說, 唔輸得。 對陌生人, 更要置其於死地, 不如對朋友只求射中般。 「目標是打Q佢地頭盔佬阿sir。」

所以多咗好多粗口, 同不死傳說。氣氛嚴肅了, 各人認真殺敵、也認真防禦了, 更真實了…

生死是這麼隨便, 生命是如此、無聲無色無先兆地終結了。軍人能至少知道自己如果死掉嗎? 多數不能吧…

那一場, 我一共中了幾多發流彈? 他們呢? 我共用咗兩排彈喎!

除此之外, 導師也給了我們打野戰的智慧-------還以為一開始便一直教授添。

雖則如此, 槍戰技術、戰術、策劃 ( 7c明顯比我們更重團隊精神), 也不及共同經歷征戰沙場出生入死後戰友的友誼、默契珍貴!

ps. 看見這一幅圖, 不禁想起救災時, 有一獲救男孩說了一句感人的說話:

「叔叔, 我要可樂!」