妹妹3/365既等待--D.N.A.演唱會--感想

青春就係唔妥協!所以妹妹就做左一件妹妹無想過會做既事!

妹妹唔要再加多一件令妹妹後悔既事!

引「倔強」歌詞

最美的願望　一定最瘋狂　我就是我自己的神　在我活的地方
我和我最後的倔強　握緊雙手絕對不放
下一站是不是天堂　就算失望不能絕望
我和我驕傲的倔強　我在風中大聲的唱
這一次為自己瘋狂　就這一次　我和我的倔強

睇完第一天既演唱會，妹妹總係覺得唔夠喉!(只買了第一場的飛)

係21/5妹妹整整一日都總係心情低落，心中只有五月天，

好想再睇，好想再睇，好鬼想再睇呀!

到左22/5既早上妹妹同友人決定點都要去睇佢地尾場既演唱會，

不過未有票!妹妹同友人好似顛左，不惜一切都要去到，

所以用盡方法買到一張飛，可能係其中人眼中一文不值既飛，

但係妹妹眼中呢一張飛真係價值連城!(得到既過程真秘密)，

係呢6個小時既頻頻(朴)(朴)，又急又焦慮，剩下既時間愈來愈少，

直到收到朋友既一個電話，說了:「買到飛了!」

就係呢四個字，妹妹聽到真係開心到熱淚盈眶呀!

由無到有既喜悅感，真係無詞語可以形容到當時既心情，

妹妹同友人盡情既享受呢一場超級得來不易既演唱會!

一直很high，直到完場了!唔捨得!好唔捨得!好想繼續聽!繼續喊!繼續跳!

直到歌迷們la到最後，妹妹同朋友冷靜下來了!

慢慢離開紅館時!妹妹說:「可唔可以唔洗再等365日呀?」

真係等左好耐呀!!

雖然十萬個唔捨得!但因為自己有付出到努力!而又有成果!

心中既滿足感足以補番晒之前既失落感!有一種完美既感覺!

雖然用了很多錢，呢個月同下一個月都係貧窮線下，

但妹妹無絲毫後悔，如果無去睇尾場先至令妹妹非常後悔!朋友都好認同!

妹妹而家想點解唔比妹妹早一些認識他們!

直到他們復出時先認識他們!點解要遲左幾年先認識他們?

妹妹唔算追星一族，但對方是五月天就會放肆!

五月天無令妹妹沈迷，反而激起翻妹妹對生活對生命既衝勁!

用心做好手頭上既工作!感受到存在既感覺!為左做好事情捱夜捱到爆肝都無關係!

每個人都有自己青春期既詩，而詩既內容就由每個人自己填上，

內容精彩與否都係靠自己去填!妹妹要重新填寫呀!