元朗! 再見喇

因為想養狗，Mui爸先搬入元朗住村屋，好多朋友都話︰咁遠架，但我覺得幾方便，有村巴去番工，又有小巴去落馬洲，買狗用品又平又多款 ，同muimui去swim又就腳，仲有B仔、泛后、酒泉等美食

有了小B，同mui爸& muimui分居，平日兩天回元朗，五六日就帶埋小B，來回車錢、油錢 & 時間都唔少，我已經忍受唔到間歇性見muimui方式，於是去搵地產，之不過成個月都冇盤睇，一直就係等呀等、等呀等

11.1餵完小B想訓多陣，地產打黎話有盤，即刻叫醒小B準備出發，去到原來仲有對母女睇，話幾鐘意，我同mui爸聽到都非常失望，業主都叫我地睇，雖然裝修普通，入到去既感覺︰就係呢度喇，小B亦都手舞足動，我地就同地產商量，點知業主好堅決話先到先得，地產知我地鐘意就同業主商討，結果佢地半個鐘頭電話會議後......我地終於租到屋喇，雖然比對母女開既價高$100，冇車位亦冇露台，但勝左近地鐵，番婆婆度唔洗15分鐘，屋前有大空地比mui mui跑添，宜家我忙執野喇，好期待月中既來臨呀