生日會後總會病?

每次學校生日會後，妹妹都會咳嗽、發燒。嫲嫲話可能係學校食咗 “熱氣”嘢同 “凍嘢”(因為生日會係由壽星仔/女既家長負責預備食物及飲品)，喉嚨仔發炎，引致發燒喎，孰耶非耶？

11月生日會過後，妹妹又病了，發燒至 102度…

姑媽：「妹妹，不如係額頭到“貼貼”啦？」

妹妹：「哇..哇…唔好呀….嗚咽..」

(每次發燒，妹妹都拒絕貼上“退熱貼”。姑媽惟有整晚不斷用濕毛巾為妹妹敷額頭及抹身降溫。)

姑媽：「妹妹，加油呀！」

妹妹：「唔…」

姑媽：「你會好快好番架，我知道。」

妹妹：「唔…」

妹妹：「姑媽，我好辛若呀…嗚…哇…你辛唔辛苦呀？」

姑媽：「我知道咯…姑媽都好辛苦呀，見到妹妹唔舒服，姑媽好擔心妹妹呀。」

妹妹：「你好擔心呀？」

姑媽：「係呀，嫲嫲都好擔心你架。」

妹妹：「妹妹會好快好番喇，你地唔使擔心我。」

姑媽：「唔..我知道喇。」

妹妹：「嗚…嗚…姑媽，我好辛苦呀。我以後會乖，唔食雪梨同橙橙咯，哇...哇....」(妹妹記得嫲嫲講過食太多生果所以咳咳。)

妹妹，姑媽真係好擔心、好心痛架。