2007 09 15

今朝同Mui Mui & 細佬去睇獸醫。因為Mui Mui由星期一開始， 玩玩下波波會縮腳。但係休息一分鐘左右又冇事，可以繼續玩。其實我知佢由細細個開始左後腳唔係咁好，行樓梯會就全左後腳行。不過呢個星期好明顯有問題，為安全起見，都係搵獸醫check下。

個獸醫拎起Mui Mui 隻腳左郁右郁，跟住就話Mui Mui 係菠蘿蓋移位!! 學名叫 Patellar Luxation。要做手腳將個菠蘿蓋固定番!!  我嚇左一跳，因為冇諗過會咁嚴重!! 不過護士話要睇下Mui Mui 隻腳嚴重到咩地步，因為有d狗可能唔駛做手術都冇問題。因為個手術會由Dr Owen自己做，所以book左下星期日俾Dr Owen再check多一次。再決定做唔做手術。

BMW媽都俾左Dr Tint電話我，不過佢weekend已經full晒... 最快都要星期三下午。唉，都唔知請唔請到假weekdays去睇獸醫。

而家我終於明白點解Mui Mui 唔肯Down。

唔知係咪Mui Mui 知自己唔舒服，呢排比之前癡人左。