2007 04 05 (清明節)

今日係清明節, 又係5日長假期既開始!! 真開心!!

今朝去拜山, 唔知點解今年竟然有警察封左個入口, 唔俾車入!! 要泊到10里遠之餘, 仲要落車果陣跌左個電話落地!! 花左!! 用左只有一個月左右... 都仲算新電話!! 唉, 激死... 肉痛?咁又冇喎... 電話身外物, 何必為身外物而動氣呢? (雖然, 跌落地果一刻我都好自然咁講左句... "頂!!!" )

完拜山之後, 就出左去飲茶... 本來諗住去shopping, 買下番工衫同番工鞋... 不過, 一諗起仲未出糧就提唔起勁... 於是回家陪大小不良lu...   咦? 同上面果段contradict喎... 錢都係身外物, 點解會令我冇mood既?

哈哈, 我知啦.... 因為如果冇錢, 邊有電話呢d身外物俾我跌呢? 身外物其實分好多個level... 不過主要分為會動氣同唔會動氣...

番到屋企之後, 就開始繼續做我果個停左多個月既project... 決定左要係細佬出册前做好佢!! 五月可以去玩盡情!! yeah!!