2007 09 17

要我等一個星期先至知道Mui Mui既問題有幾嚴重，實在等唔到。唔可以忍受到日日見到Mui Mui唔舒服既樣。仲要我忍一個星期，簡直冇可能!! 我要盡快知道Mui Mui隻腳究竟發生咩事!! 絕對唔可以俾Mui Mui唔舒服一個星期先再睇vet。

於是一早番到公司就同個同事夾好job，然後立即約Dr. Owen!! 好彩仲有位!! yeah!! 跟住立即請下就假!! 一到lunch即閃 (雖然book左5:15... ) 。

Mui Mui好似認得路咁，去到勝利道唔願落車.... 抱住佢未去到診所門口已經開始震!!!  Dr. Owen先叫Mui Mui行一陣俾佢睇，之後就開始診症。Mui Mui當然十萬個唔願意俾人又攪佢隻腳，仲要打鎮靜劑照x-ray，比著我一定心入面講晒粗口。

總之結論係冇迫切要做手術，先打4個星期既針，可以保護d骨。然後再食supplement，只要唔惡化就可以一直都唔做手術，直至百年歸老。同埋唔可以俾Mui Mui成日跳上跳落，唔好玩雙腳企。

最緊要果樣已經問左 : 就係可以繼續行山!!  不過Mui Mui累的話要俾佢休息。(當然啦!!!)

番到屋企Mui Mui好累.... 冇玩 (我已經收左佢個波波)... 一直休息....

細佬? 哈哈, 難為佢啦.... 因為Mui Mui係top priority....  不過佢好似仲未累完.... 可能尋日玩得太癲!!