2007 09 01 (大戰黃油蟹)

時間過得真係快... 唔經唔覺May已經番左黎兩個月!! 今日要走啦!!! Yeah!! 終於甩難啦!!! 我d錢亦俾佢洗得7 7 8 8...  係時候要走啦!!! 再唔走我破產啦!!!

今日一早去左紅磡.... 一家人集合之後就同肥婆一齊兩架車向機場出發!! Check-in之後去左飲茶... 都幾好味... 中環價錢, 中環quality...

送去左May之後, 就去迎接今晚既主角 - 黃油蟹!!! 我地去左"老山羊"買蟹, 因為一來老字號, 二來識人有折, 平好多 (yeah!!)  每隻都有12, 13両重.... 鋪頭d人幫我灌左花雕酒同冰左佢地...

今晚除左主角黃油蟹之外, 仲有打左個小邊爐, 雪糕同埋芒果布甸!! 好豐富!! 食下, 傾下.... 已經12:30!!!  大家都累啦... 狗狗都累啦.... 係時候番屋企啦!!

等上路既蟹..... 好勁既水草.... 好在續隻計錢.... 

好勁既蟹膏!!! 膽固醇萬歲!!!!

好好味既芒果布甸....

大小不良累到一齊訓!!! 奇景!!