大家好, 我叫妹妹!

我朋友住錦上路, 好鍾意狗, 不過簽租約時, 業主講明唔准養, 所以一直無養, 以下係佢嘅說話 :

 四月1日係村口執左隻黑色四眼細種母狗, 其實前幾晚都見到佢係村口徘徊, 好怕人 & 其他狗隻的佢有紅色頸圈...可能係走失, 又可能係被人遺棄, 我叫吓佢, 佢又跟我喎, 我同佢講, 不如我帶你返我屋企, 后來真係跟左我返屋企, 因為見佢真係跟我返屋企, 平時我由村口都要行10分鐘才到, 那晚佢跟我行下停下, 行左成半小時。

当晚佢唔係點飲食, 可能陌生, 好乖咁自己瞓, 懂得 sit & 俾手手的, 諗住同佢影d 相, 貼尋主啟事的

next day, 我返工, 獨留佢在家(室內), 放工回家, 佢無四圍搞野, 又無大小二便, 我餵完佢dinner就帶佢落樓去解決, 其實佢都識到路返我屋企的，所以應該唔係走失, 佢可能係被遺棄的。

我打算收養佢, 因為佢真係好乖, 仲乖過我以前養的唐狗, 就算見到樓下有狗係玩, 佢都唔會吠或嘈話去落街。我諗住貼街招幫佢尋回佢主人的, 不過都好渺茫....見佢咁乖, 就收養佢囉, 反正我屋企都養到, 佢都唔駛我點train 佢去便便。

曾經帶過她去元朗的獸醫body check, check 過係無晶片的, 連耳仔都好乾淨, 通常耳仔最容易有蚤, 話佢應該歲幾, 係生過bb 的, 21 kg, 健康一切正常, 做左心絲虫/牛啤...那三種test, 無問題, 打埋支預防針, 買左防蚤藥(每月滴頸1次), & 杜虫藥(每月食1粒)。

不過, 遇到業主, 業主話當初租俾我時, 係租約講明唔養狗的...而家同業主傾左, 叫佢俾兩星期時間我幫隻狗搵人收養, 到月尾要送走隻狗,

今早佢見我換衫, 當然想去街, 但我話我去返工呀, no 呀, 無(得去街)呀, 佢就會出翻露台, 係露台望住我....我會係樓下沿途同佢拜拜的。
初頭幾日, 佢唔敢入我睡房, 後來weekend 見我未起身, 就想入嚟叫我, 我闹過佢一次, 佢就無再入嚟叫我起身...

有次我放在d雜誌/paper 係椅, 佢想担, 我闹過佢, 跟住, 我專登仍然將d雜誌/paper 放係椅幾日, 佢都無再搞, 佢好識聽人講野的....我闹過佢一次, 佢就唔會再重犯。

如果 4 月尾都無人接收, 佢就要做番流浪狗啦! 最慘係嘗過有人錫、有個家的滋味, 又再要流浪, 大家幫下佢啦!

初初返到屋企係卷埋身瞓的   

  等緊落街去 便便
   

 
在露台目送暫養媽媽返工

好嘢! 有骨骨食

    收養我啦! 我好聽話好乖架! 我唔想再流浪呀!
 

可樂媽 : 希望快D遇到好心人啦....

骰骰咪 : 我都希望佢快啲搵到處好人家啦