第一次... 飲大左！

國內某地方的官員來港作客，公司日前宴請了他們一起吃飯！
與其說是吃飯，不如乾脆說是飲酒好了！
（下次可以叫些平些的酒席了！橫掂他們都不志在食！
他們有得吃又不吃，我和同事想吃偏偏又給灌酒！）

一行約四十人，加公司（包括我）四位同事，
最後，由7時入席到9時送走所有客人，一共開了14枝XO + 8枝紅酒
Captain見到飲得咁快，都唔敢一次開幾枝酒，情願逐枝開
而我和admin manager，廿分鐘內分別被迫飲了半枝紅酒
（Sherman, keep the secret please!!! 為免俾阿媽家姐話，我聲稱飲了半杯 only）
最暈的moment，真係行唔到直線！
（大佬... 食左個頭盤 + 1道菜就要人飲，俾人食多少少野打下底先都好呀...）
去完toliet後同事要扶著我兩邊手送我回包房

回到家，家姐說：『唔飲得就咪學人飲啦！人地叫你就飲架啦咩！白痴架你都！』
其實我都唔想飲，但『來賓』叫到，唔飲就好唔俾面，又令同事難做！
我又唔係真係人地一叫就飲，都拒絕過啦，這環境下沒用的！
我都試過飲一啖就當飲左，但佢地又要我飲哂先算．．．
同事們已經好好，分別來幫我頂酒，唯一到場的男同事當然會出手，但估不到admin manager 及senior manager兩位女仕都出口相助）
亦興幸初時坐我和admin manager身邊的『來賓』，替我們出聲拒絕了數次飲酒的邀請！
甚至待應取來了酒杯給我們，他都叫拿走！（整晚唯一的好人！）
否則落肚的將不會只是半枝紅酒！

可否文明些？尊重一下別人的意願好嗎？
說了不喝就請別強迫別人好了！