peace in mind

呢一個星期，心中的郁悶開始消失。可能是聖誕節的來臨，節日氣氛的緣故，有holiday mood 及 工作上有點通了。

曾幾何時我經常會問自己future 的career條路會點走，可是每次自己諗的時候個腦都loop 住左，想不通。昨天，老總跟我說了粒幾鐘。言談間，他善意給我意見，希望我用正確的方法去把手上的工作去完成並達至事半功倍，並且要對自己多一點要求。否則去到某一個位便會停，或許他說中了我心中解不開的結。要如何解決，都是那句，踏出第一步面對不安的環境才會適應到另一階段。

昨天，同事借了一隻舊英文碟給我聽。真的很有懷舊feel ，重溫兒時曾經煲過 (因為大姐的緣故，所以便薰陶) 。當然有聖誕必聽的 "last christmas"...輕快情歌的"especially for you"..madonna 的 "holiday " 及" crazy for you" 都是耳熟能詳的..有興趣我可share 給大家.....

今日上咗大陸，在開會中途。接到爸爸的電話︰ 阿妹ar........我說︰而家開緊會..遲d打俾你...開完會后我立刻復電話，(心諗驚會唔會有乜特別事 ？) ..他無接我電話..之后我打俾阿媽...阿爸找我做乜？媽說唔知....到我今晚回家諗住出家吃飯，我又再追問阿媽，阿爸好少主動打俾我，但我打俾佢又唔復...阿媽於是又再打俾阿爸，他終於接電話，阿媽用兇狠的語氣call 他回家。

看到阿爸入屋，他便說係咪落街食飯，阿媽打算係唔出去的(即三個人吃的)，二姐搭訕︰你先去個廁所，我睇完電視呢part 就得。於是，他去完廁所后我便問他。你今日打俾我做乜事呢，又不接我電話？ 於是他入房拿了一些政府醫生信的文件，其實我認為這是好小事，但他又聲大夾惡說政府唔岩、唔著握錢等等。我同二姐認為不用那麼大反應。我又問阿爸打來就是想說這個，我覺得我在電話都不能幫到你的，因為當時我看不到那些文件。跟著阿爸用理直氣壯的語氣跟我說︰我打俾你係想你今晚倍我食飯！ 哈，我的反應係 (心裏感動) ，然後他說我只係想今晚，第二日都唔使。我説︰今日係乜特別日子，看一看手錶，難道你是生日？ 大家立刻翻查日曆，oh...原來真的，阿媽原本由兇狠的態度改為友善及俾面落街食街....oh.....

原來大家都遣忘了他。阿爸同阿媽有極大分別。阿媽在自己的生日前的一至兩個月已開始明示及暗示我們她的生日將至..相反阿爸一向都係好低調，低調到我地都攪唔清佢幾時生日，因為舊曆日子年年都轉。

就是這樣，我們都食了一個同平時有d唔同的晚餐。我的爸爸是一個要面及小氣的爸爸，今日勇敢地表達自己的情感，其實我係好appreciate。他肯開金口說這個是很難得，亦都係他的勇氣沒有把粗心的我們讓他平平淡淡地過他的生日，所以我好欣賞我今天的爸爸。生日快樂！！！