跟小巴司機開火

話説尋日(三月三十一日..今日才update) 夜晚八點九從大陸碌返香港，到了皇崗已經成九點半，諗住快快返屋企。睇到往荃灣的巴士豎了一個牌<< 需等三十分鐘>>，於是即刻改變路線，從皇崗搭黃巴士到落馬州，然後轉車到屯門，再由屯門轉車返屋企...雖然轉折但諗住快....

地點係由屯門轉返屋企個段出事，話說係屯門市中心見到紅van ，見到個牌寫住9蚊、即係跳上車，(因為當時己經十點幾，根據經驗紅van 的路費係毎次不同，而且上車時必需要問清楚)、但急無辦法..

到了目的地，俾左九蚊俾佢、然後落車，跟住個小巴司機boot 我。都心知不妙，我咪返上車。話我俾少左，我開始反駁上車時是九蚊，點解少了，但發覺佢己經收埋左個九蚊牌，淨翻個 12蚊荃灣，16蚊佐敦。然後他說元朗上三勝落才九蚊，但沒有寫明，而且三勝係市中心之後，點解九蚊牌仍然出現呢，攞明陰人。小巴司機知道自己都有問題，開始混淆視聽，然後搬出什麼什麼我架車的車費己經比其他平，我不理會、接著又說你已經搭完成程，咁你俾唔俾(語氣帶兇)。我忍唔住都要閙爆巴機(不理其他乘客)，俾翻三蚊雞你、不過係因為我搭完整程，你這種手法完全唔老實。

當然自己都無上車前問先就範！不過搭小巴的價錢經常浮動，尤其節日，我以為聖誕新年才是大節，連復活節都係加價的節日，地鐵都無通宵啦。第時星期六都可能係節日...離譜！

四月九日才更新！