中袁老師考琴記(二)

(二)

因為我都係懶人一個，所以我都好明白啲學生有幾咁懶。

就係因為懶惰，响考完2級之後，隔咗一年至考3級，同之前一樣啦，老師响1月開始教考試歌→5月攪掂哂→6月開始鬧→9月去考試。

記得果日又係媽咪帶我去考試嘅地方，因為我仲係小學生吖嘛！

地點又係“尖沙咀通利音樂中心”，唔好以為係金馬倫里果間喎！响舊陣時呢，佢哋啲音樂中心分佈响尖沙咀唔同嘅商業大廈裏面。

呢次考試就弊家伙囉！我亞媽竟然..............

唔識路！！

~ 我哋一開始揾錯地方.....

~ 周圍問人.....

~ 揾咗好耐至揾到考試嘅地方....

~ 個陣已經遲咗啲(因為要早15分鐘登記嘛！我只係比我考試時間早3分鐘咋！)

~ 登記係我自己嚟 (亞媽話邊個考試邊個登記)，不過考評局職員姐姐一邊鬧我一邊登記 (我亞媽就企得好遠，好似同我唔係好熟咁！喂！亞媽！你真係唔夠義氣喎！)

~ 响呢個時候，有個高高大大肥肥哋嘅外國女人由房間行出嚟，仲問而家到邊個考，職員姐姐指住我，話呢個就係，佢剛剛至到 。

~ 之後我就跟住呢個女考官入去考試.......

~ 呢次我驚都未驚過！(因為冇時間去驚)

~ 拿拿聲彈完就收工！

~ 之後又攪掂，仲“丁”埋添！

~ 車！ 邊個話女考官俾分緊啫！

~ 雖然佢個樣都幾cool！

呢個3級就响“無驚有險”之下完成咗！我又升級喇！