司機大佬說：正一臭Ｘ。

一大朝早坐的士, 對講機裡就牢牢嘈嘈。

「正一臭Ｘ！」司機大佬咩事咁躁火。

「頭先車個客去永Ｘ利（筆者按: 剛巧是我工作的大廈），咪錶 $19.2，個女人拎左22蚊出嚟。」

「我以為唔使找啦,  點知個女人坐左喺度, 佢話“你做咩唔找錢 ?!”」 (筆者按: 加 1蚊即 $20.2, 司機認為唔使找是正常的)

「吹脹！佢仲話佢俾左 5蚊我!」

司機憶述到此, 不禁再次「正一臭Ｘ！幾蚊都呃？正一Ｘ蟹！」

行家相勸, 「可能佢真係以為攞左個 5蚊出黎...」 (筆者按: 農曆七月呀師傅...)

躁火司機繼續呢喃, 啲女ge 專係特別零舍麻煩blah blah blah…

行家：「喂！有一半客係女人播（筆者按: 統計處最新數字顯示35-39歲每10個女人只有7個男人），都要做咖啦!（鬼叫你窮的口脗）」

「的士錢」呢個骨節眼上, 女人是否比男人更「雞毛蒜皮」、「小家子」？司機大佬認為係。評論是無謂的, 我覺得人同人之間的過節, 關鍵在於一方認定另一方是故意還是無心。譬如司機不為意兜了遠路, say sorry你可以不信, 咬定他存心昆你。「妖！仲同我賴好傾！」

又, 是否天下司機一樣奸, 鍾意食人d找贖。

我也親眼親耳知道, 有啲人的心態是：我讀得書多，唔會俾你喺我身上攞便宜，斗零都唔使旨意！你估我好洽？！

再次強調, 評理是多餘的, 情況各異, 道理不一。

給小費, 應源自對對方的勞力／努力的一份謙虛的尊重。敢說每一次, 我不會要人蝕給自己, 人家搵食je。那一句「唔使找」, 從來不覺是什麼大方, 純粹因為潛台詞 you have a nice day too！

我迷信一天開始, 各個小處的順心可以積聚成好心情, 好運氣, 再傳開給別人...

叫自己做人不要太悍, 不讓毫釐, 就是不明通情達理。