北海道之旅_Day1_帶廣 - 釧路 - 阿寒湖 - 川湯

黑字係超連結,可click入睇

音符喺北海道返嚟喇

今次五天旅程係好開心 , 好舒服 , 又順利 真係唔想返香港呀

由於音符一落機就忙屋企一大堆家務  忙囡囡開學嘅事務 ,

同埋音符和囡囡母女檔幫社區中心做 暑期活動完結禮嘅司儀 ,

所以到 E+ 先得閒整理相片

大家係咪等到頸都長埋   好心急呢

咁就時不宜遲 ~ 即刻去片

2008-8-27

零晨 1:20am 準備由香港到東京再轉內陸機去北海道

 

香港飛往東京嘅上空 ~ 已經由天黑坐到天光喇

 

坐左 4 小時到左東京 - 羽田機場

 

 

東京飛往北海道嘅上空

坐左 1.5 小時內陸機 , 到左北海道 - 帶廣機場

一落機雨天就迎接我地  大家留意吓呢座建築物係咩

無錯喇  導遊第一站就係帶我地去洗手間

事關之後要坐 2 小時旅遊巴 , 先去到 - 釧路 Kushiro

釧路王子酒店 Kushiro Prince Hotel 食 lunch buffet

午餐後約 20min 車程到 - 釧路濕地公園

約 15min 車程再到 - 丹頂鶴展望台

睇瀕臨絕種 , 全球不足 2 千隻嘅丹頂鶴

全球有三分二嘅丹頂鶴都在北海道

 

約 1 小時車程到阿寒溫泉街 - 愛奴族民族村

愛奴族係北海道嘅原居民 , 後被日本人入住並將他們 - 和化 , 通婚

但係族長和少數族民反對被和化 , 覺得日本人霸佔左佢地嘅土地

所以日本政府亦都尊重愛奴族 , 俾佢地有自己嘅村自成一各

貓頭鷹係愛奴族嘅守護神 , 佢地嘅木雕精藝品好一流架  

大家望吓地下 , 知唔知呢個係咩呢

就係坑渠蓋喇  佢地幾有藝術心思

約 8min 車程到道東三湖之一 - 阿寒湖

有暮再加上落雨 , 所以睇唔到對面岸

最後唔記得又坐左幾耐車程  就嚟到 - 川湯 Kawayu

入住川湯御園溫泉飯店

喺晚飯前音符同妹妹第一時間去浸溫泉

然後晚飯過後又浸  明早瞓醒出發前再浸  所以話舒服到唔想返香港

( 溫泉相片來自酒店網站 , 唔係音符嚟架  )

大家會係度住兩晚  房內有洋式同埋和式睡法

今晚就瞓洋式先啦  因為好攰唔想鋪床

旅遊巴司機 - 山下先生畫架  真係有藝術有心意 !

 

click

Day2_川湯 - 知床 - 鄂霍次克海 - 網走 - 硫黃山 - 摩周湖

Day3_川湯 - 佐幌 - 富良野 - 美瑛 - 札幌

Day4_札幌 - 登別 - 地獄谷 - 伊達時村 part1

Day4_登別 - 蟹御殿海鮮市場 - JR Tower - 札幌電視塔 - 大通公園 - 狸小路 part2

Day5_札幌 - 小樽運河 - 出拔小路 - 蒸汽時計 - 水晶音樂盒工房 - Rera千歲Outlet