不起眼的事

比大家睇下我個新發達通呀!
攞住佢周圍嗶...嗶...嗶...真係好方便呀
我成日都好失魂成日整唔見個發達通
所以因麻煩沒有申請個人發達通，就買個大個仔發達通就算

但朋友仔話我好蠢蛋唔申請個人發達通，
現在個人發達通有好多著數，坐車仔又有好多優惠
如果唔見咗個人發達通，話比服務員聽佢地即刻CUT咗個發達通
餘下啲錢又唔洗白白唔見，只係要比小小手續費換個新個人發達通，都無咁心痛啊

其實我一早知，只係怕申請個人發達通要好久時間怕麻煩，所以沒去申請
但我今次又唔見咗我個心愛發達通，所以就下定決心申請個人發達通
我就有成個月沒有發達通用．．．
真是好唔方便；每日坐車仔因沒了發達通就要買車票，
就因買車票而成日遲到，原因就是部售票機唔食啲硬幣，乜佢咁識食
好彩就一次ＯＫ，唔好彩就要入好多次先得，咁就上唔到車仔；最後遲到

還有一時買野無散銀又唔想袋咁多散銀就會用好幫手發達通出動
但沒了發達通啲散銀重到連散銀鉋都欄埋
啲散銀就周圍走，要用散銀散銀鉋係空既，因為散銀鉋欄咗佢地就周圍走
要係個手袋到係咁搵搵．．．重要係比緊錢時，真係有啲唔好意思
因為後面有大把人等緊比錢買野，就因唔好意思就比張紙幣
最後收銀員又抓返啲散銀比我．．．

無咗張發達通真係好唔方便呀！
做人就是這樣有時就以為必然，但失去了就不知何好

一些不起眼的事物沒了它先知重要
其實每人身邊都有一些人或事不起眼以為沒用
但一失去了就覺得好重要，只怪當初沒發現。

可能不起眼所以不知不覺就失去