太陽花

呢個狗狗用喇叭，經過添添試用之後，我哋發覺，佢的而且確比以前用開嘅膠喇叭好好多 --- 除咗真係好貴之外

 

 

首先，呢個喇叭軟淋淋，唔似得一般膠片喇叭咁硬。第二，傳統喇叭帶咗之後，狗狗嘅視野範圍會縮細，但呢個喇叭似乎無阻住狗狗睇嘢。除咗喇叭之外，呢個圓墊可以充當枕頭，添添親身試過，佢枕住個下巴仔，一陣就瞓著。最得意嘅係，呢個墊寵物主人都可以用，帶咗佢當頸枕都好舒服。

 

對於我家兩隻豬嚟講，呢個喇叭最好就係佢哋唔會用個喇叭嚟鏟屎，更加唔會咬攔個喇叭(詳情請參閱呢度)。

 

軟淋淋喇叭仲有好多款，如果想買，去開日本都可以去自由之丘Pom Preece度睇吓。

 

P.S.呢款喇叭對哥基嚟講真係唔錯，不過對於長手長腳嘅狗狗，佢哋仍然可以'lam'到手手架﹗