無得帶喇叭

呢個究竟係咩嚟嘅呢？

 

 

拉遠啲睇吓先....

 

 

估唔估到呢？

 

原來係一個已經爛鬼哂嘅喇叭

 

嘉嘉呢個破壞王，幫佢帶喇叭時已經唔多願意周身郁，不過爸爸媽媽要佢帶佢都無符，唯有乖乖哋帶住。琴日我哋放工返嚟，已經發覺嘉嘉自己除咗個喇叭，連用嚟綁住條頸果條繩都扯埋出嚟。今日返嚟，真係嚇咗一跳，佢竟然將個喇叭拆咗出嚟不特止，仲咬到個喇叭爛哂，唔可以再用。

 

 

嘉嘉媽：衰豬，你咬鬼爛咗個喇叭，而家無喇叭帶啦，咁點算呢？

 

嘉嘉：咁你哋返哂工得我一個係度好悶呀嘛，咪搵啲嘢咬吓囉

 

 

嘉嘉：而且我都乖乖無lam lam咯

 

嘉嘉媽：咁你都好乖乖，個傷口都無紅....好啦，算你啦