網誌分類：♡拖手仔遊世界♡ @ RonniELanD |
圖片
網誌日期：2009-12-12 16:11
好開心呀!!老公又同我去旅行喇..今次o既目的地係關西..由於上次去墾丁同東京都比較趕..所以無好詳盡咁安排行情..又由於之前已經去過東京加上墾丁o係溝通上比較容易..所以之前可以唔洗點plan行程都尚算ok!!又由於老公鐘意hea住去旅行..唔鍾意十分緊密o既行程..既然你咁為我著想陪我周圍去..所以我決定要好好咁安排今次o既行程..等你住得舒適
..玩得出色
..同埋食得招積o既
..
唸返起之前plan過o既咁多次行程裡面..最滿意o既就係沖繩之旅喇..因為o個陣有好充足o既時間編排..加上係自架遊..所以每一個地點都要安排得好清晰..好彩最後都渡過左好開心o既5 days..今次一樣有好充足o既時間..所以希望可以安排得好D..但始終關西係一個大城市..拎起本旅遊書..望住佢地o既火車同地鐵o既路線圖..個頭就開始痕到爆
..好似有幾個港鐵路線圖疊埋一齊咁
..再者..關西可以去o既地方實在太多喇..大阪、京都、神戶、奈良、名古屋、和歌山、松阪、高山、白川鄉、伊勢... ...一場唻到,,無理由唔去晒咁蝕咖??但唸起佢地有D雖然話近..但都要成幾個鐘車就想打退堂鼓喇..密質質o既行程加上幾小時o既車程..我怕老公個頭會出煙..所以唯有要取捨啦..
始終對於自己唔熟識o既地方都係唔好咁快決定行程住..關西係一個好多香港人都會去o既地方..所以而家search左好多有關o既blog..希望可以幫助我plan行程^^
CanCan 2009-12-16 10:37
喬星 2009-12-15 21:15
如果不喜歡古蹟，京都可以不去。
還有，如果你以大阪為基地，建議住梅田區。