又到聖誕~

好開心呀, 又到聖誕了, 呢個係Tony仔人生既第二個聖誕節, 回想起上年聖誕節, 我問Tony爸佈唔佈置屋企(因為往年都有佈置), Tony爸話: 唔好喇, 等出年Tony一歲半先啦, 佢宜家又唔識~ 到左今年, 變左係Tony爸問我佈唔佈置屋企, 我答: 唔好喇, 佈置完Tony實搞破壞! 哈哈, 所以最後都係決定再等出年先算

今日平安夜沒有打算外出, 而聽日聖誕節晚上Tony爸話請我同Tony到酒店食聖誕自助餐(一個月前已經訂好了, 因為每年未到12月就已經full晒, Tony爸真細心), Tony爸話會有聖誕老人, 又會有樂隊即場演奏, 同埋每人都會有份禮物, 真係好期待呀, 希望我同Tony仔明天都狀態大勇食餐飽啦!!!

Tony仔今年收到三份聖誕禮物, 第一份就係我想買左好耐既吹氣波波池

我趁晚上Tony仔訓左先set好個波波池, 今朝一早佢起身見到好開心呀, 第一時間跳了入去

第二份禮物: 刷牙套裝, 希望佢會喜歡上刷牙啦, 佢宜家唔肯刷呀架

第三份禮物: 學習筷子+匙更套裝

Tony仔平安夜既晚餐:

鮮茄比目魚+忌廉汁西蘭花飯團

Tony仔九秒九食晒D飯團, 留番D魚要我慢慢餵呀, 不過見佢食得開心, 我都好滿足呢~

到了出年聖誕節Tony就會多個妹妹, 唸起都熱鬧呀