仲有個半月細b就出世喇

雪雪最近好老積,

成日講d野哄到我地鬼咁開心,

走黎攬住媽媽個肚鍚,  摸媽媽個肚講乖乖,

學識講"1-2-3"  放返好d野會講"擺係度",

  佢鍾意食既野都識講"桔桔"  "包包" "粥粥"  "糖糖" 等等,

想做既野會點頭"嗯"    唔想做既就會叫"唔好呀" 

而家唔駛靠估都可以明白雪雪想做乜嚕,

每次聽到佢講有意思既說話,  真係覺得好得意,

計埋未出晒既牙仔 現時出左八隻牙,

成日失驚無神走黎咬人 ,咬完仲要偷笑,

bb  你知唔知你咬人好痛架!!

唔知從何時開始, 你既扭計招數強勁左,

以前喊 只要分散你注意力就會收聲,

而家你一想要做既事  就一定大喊大叫到要做到為止,

真係令人頭痛,

媽媽鬧你都係唔想縱壞你咋,你唔準記仇架!

時間過得好快,

轉眼間媽媽肚入面既bb,預產期係2月2號,

仲有個半月,你就升級做姐姐喇,

到時唔知你會唔會呷醋呢?

定係會好似而家咁會錫bb 照顧bb呢?