Joy to the World, The Lord is come!~

十二月對十邊梨講係一個好好嘅月份，會令我好開心因為好多嘢要celebrate，當中包括：

07/12  係我相公嘅壽辰之日! 乖乖嘅十邊已經一早送禮物比佢... 就係比佢出差時方便做嘢同埋玩嘅靚靚10.1" netbook! (喺上星期嘅電腦展度買, 比門市平抵好多!)

我仲book咗7號晚去間好浪漫嘅餐廳撐檯腳同魚生sweet sweet吓  其實07/12仲有一樣嘢好值得我地慶祝, 就係魚小B已經20週喇, 懷孕過程已經行咗一半! 開始明顯咁感覺到佢啲手仔腳仔喺度郁喇!~

14/12  我地結婚一週年喇! 不過我諗嗰日應該冇咩節目因為冇聽過魚生講會安排啲咩... any肥, 我同自己講嗰日我可以花少少錢氹吓自己... 買吓花花放喺公司, 自己揸車去遠啲食lunch咁... 我要嗰日開開心心! 當然好想打電話比同我同年同月同日結婚嘅家碧baby恭喜佢啦!!  

22/12  正所謂冬大過年, 返屋企食飯一定好好餸... 諗起都流口水! 如果有埋契媽靚手整嘅籮白糕咁我嗰年就已經好滿足...

25/12  聖誕同埋生日對於我梨講都好重要... 聖誕係一個好溫馨嘅節目, 要有xmas嘅decorations而且應該一家人喺屋企暖笠笠咁食吓嘢吖... 傾吓計吖... 開開心心咁過~

值得期待嘅仲有魚生公司嘅xmas party (喺four seasons搞架! 好有米呢!!!), 自己公司嘅xmas lunch (冇魚生公司咁豪但係志在嗰日唔駛做...一陣咁多! 呵!!), 仲有就係照魚小b日... 希望佢今次乖乖地show啲嘢比我地睇啦~