專一的去UCC

專一的去UCC

Sem Break就快完, 我有幾個同學聽日就要開始返學, 屎野就係其中一個喇!! 今個sem我都唔會同佢一齊上, 不過可以一齊出黎溫書喎.

應承幫佢整份gift送比亞頭, 佢已經話今日出黎, 要去試下我慨至愛飯堂之一慨UCC Cafe, 今日我專登同佢講Fish & Co.都唔錯呀!!! 我又係成日去食慨!! 點知佢同我講, 我好專一呀! 試左UCC先....下次先試Fish & Co. 茶實同"專一"有咩關係呢  擺明佢為食多d, 排住隊試下佢, 喂喂!!! 比我break一下好喎, 呢排成日去食, 食到傻傻地喇!!! 中秋節又黎緊呀!!!

黎到沙田UCC, 當然一定要加錢食我鍾意沙津喇, 呢個係自助形式, 食幾多就夾幾多, 視乎自己喇!! 千祈唔好浪費呀, 因為我見有好多人, 堆到成個山咁, 好懷疑佢地食唔食得晒呢!!

沙津Bar

薯仔沙津撈得好好味, 蕃茄, 生菜都好新鮮, 仲有腰豆添呀, 加d日式沙津醋......umm.....yummy!!!

雜菜湯

都有幾多菜係裡面, 不過味道就一般

帶子燴意粉

呢個係屎野order的, 佢話味道麻麻地, 之前我都有試過, 可能我唔係咁鍾意食菇喇!! 佢慨味會係幾淡下的.

咖哩漢堡飯

大多數黎UCC我都會食咖哩的, 因為鍾意食日式咖哩囉. 唔會太辣, 都幾香呀!! 不過漢堡就一般. 下次都係食咖啡炸蝦好D. 呵呵!!

橙汁 : 似果汁先生, 不過有少少果肉

咖啡 : 係呢樹慨招牌, 飲落去會有一種甘香慨feel

Total : $205