5.1.勞動節去長洲~Part I

5.1.勞動節去長洲~Part I

話明5.1.勞動節, 就一於勞動一下, 趁sem break, 約左emily同大tra去長洲, 我地冇預計到唔係太平清醮慨前一日都會咁多人, 搭船都要排長龍, 勁!!! 我地預左搭12:00船入去, 點知emily可能太想去澳門關係, 去錯左碼頭, 不過唔緊要喇, 今日係去玩日, 等下冇計慨!!

入去個陣我地係船上見到另一隻好似蜘蛛慨船....好得意呀!! 唔知同黎做咩慨呢!!

到喇!! 好多人呀!!

入到去長洲, 寶寶已經係碼頭等我地, 因為一連三日長洲個樹都會係食齋, 所以我地都應節一下, 寶寶帶我地去到一間舖頭, 坐底只有一個餐牌, 全部都係素食, 咁我地就叫左素鴨, 春卷同腐皮卷, 跟住個伙計問我地飲咩, 佢跟住就加左一句, 所以有奶慨飲品都係冇慨, 我地就有d驚訝, 點解慨~~~原來佢地話奶唔係齋黎, 呵呵~~~又學多樣野.

素鴨~~全部都係腐竹, 我地覺得係最好味慨!!

春卷~~餡料同腐皮卷一樣, 都係有d木耳絲, 紅蘿蔔絲etc. 好味!!

腐皮卷~~~good...good!!

食完野之後!!! Let's go~~~~寶寶導遊帶我地向住紅豆餅....包山進發!! 係街上面會見到好多檔口都係賣平安主題慨小物, 仲會見到好多牌寫住恭賀慨說話. 去到大球場, 嘩~~~好多平安飽山呀!! 好多醒獅呀!! 仲好多人添!! 好熱鬧!! 我地當然唔執輸, 四圍影相!!

p.s. 大tra當日好犀利, 帶備大細相機, 影呀影呀!! 好專業吓!!

就係呢d牌喇!!! 四圍都會見到, 大大小小都有!

四圍都見到呢d小檔口, 呢個係今年新登場慨平安仔&平安女!

就係呢間好味慨紅豆餅, 次次入長洲我都會想食!!

幾多餡!!! 好味!!

擺好晒一個個平安飽, 好壯觀.

呢d吊飾好靚! 一朵朵蓮花咁慨樣!!

大球場擺左d神像比人供奉.

寶寶話呢d飽係會派比人食的.

呢座就係用黎比賽搶飽山

四圍都會見到一隻隻醒獅, 好熱鬧!!

呢個小朋友好得意, 佢後面揹左對劍.