網誌分類：MyParadise~~飲食札記 |
圖片
網誌日期：2009-02-09 09:50
寶寶牛一round 2~~池記
食完Tea Buffet之後, 打算睇下戲, 但因為冇一早買定飛, 所以真係唔洗諗會睇到, 咁我地3個傻下傻下咁去行街街, 可以當日太早起身出門(因為9點約左人飲早茶), 同埋行左好多咁, 所以有d攰, 而寶寶同囡囡都一樣, 好眼瞓下, 所以我地行左一陣就搵間店坐低, 休息番一頭半個鐘再行過, 當晚是但咁揀左朗豪坊裡面慨"池記"開飯.
叫左3個set, 份量都幾大下, 睇落幾好味, 不過食落就~~~~唔通最近d鹽貴左, 一話佢推行少鹽少油計劃呢? 冇咩味, 要自己再加鼓油. 我會覺得......早知就去食大家樂喇!!!
每個set可揀配糖水/油菜/小食, 豆漿/薏米水就另加$2.
壹桶貴妃雞菜飯~~~賣相唔錯, 用桶裝住幾得意, 加晒成碟薑蓉落好有味. 豆漿~~~囡囡話好似腐竹湯水個d味. 薏米水~~~好甜....仲有薑味慨. 鴨腿湯飯~~~好大隻鴨肶, 鍾意湯飯就因為鍾意飲湯, 不過我唔鍾意飲d水味慨湯. 金衣蟹皇粥~~~成餐飯算唔錯的一個粥, 隻粥都幾多膏. 豉油皇雞翼~~~係唔係因為落左老抽, 唔記得落生抽呢? 米通炸鯪魚球~~~最正常, 最有味的一個小食. 不錯. 油菜(芥蘭)~~~都幾青綠, 可能呢樹有粉麵賣, 用鹼水灼係好食d慨.
上上星期五, 去左灣仔會展, 呢個設計展, 一次過睇晒咁多唔同地方的設計, 其實都唔錯架! 不過, 之前小妹無時間up......
Bon Bon 2009-02-11 08:55
但看來幾吸引喎～
找日一起飲早茶， 傾計啦
＊～MickeyBom～＊2009-02-11 09:23
飲早茶冇問題喎......我鍾意呀!!!
因為係公司飲慨茶好嚇人.......所以要補番心靈呢!!!
May姨 2009-02-10 08:43
＊～MickeyBom～＊2009-02-11 09:24