愛上七喜

愛上七喜

七喜唔係汽水, 係一間食店, "七喜粥麵小廚", 次次去太子學野, 都會去幫襯一下, 大多數都係食粥, 佢慨粥唔錯呀, 好綿又冇咩味精, 因為食完唔會勁飲水就証明到喇, 佢慨豬潤魚片粥就係我慨至愛之一, 豬潤無異味, 厚薄適中, 咬落去有種爽脆慨感覺, 另外就係佢慨蜆介鯪魚球, 次次上檯都係熱辣辣, 唔係預先炸起的, 仲係好有魚味.

昨日又再去到呢間食堂, 叫慨係小菜, 因為次次夜晚都見幾多人下, 大多叫佢慨小菜, 所以今次就試一下. 價錢都算大眾化, $108埋單可以走得.

雲耳炒勝瓜 ($32)

勝瓜好甜, 唔會好多油, 保留左瓜菜慨甜味.

西檸雞 ($48)

d雞炸得好鬆脆, 唔會炸到乾晒, 同埋唔會油淋淋, 見到d檸檬就會感覺到係岩岩切慨, 好新鮮, 汁唔會太酸, 配合炸雞岩岩好

潮式蠔仔肉碎粥 ($28)

咩叫潮式, 唔係有d蠔仔肉碎就叫做潮式, 一睇粥咁綿慨, 應該係水飯咁慨喎, 仲有蠔仔要用放大鏡睇, 好少呀, 點解唔加d方魚呀!!! 我鎖定~~~~呢個一定唔可以叫潮式.