韓國の旅 (9日8夜向首爾出發 ~ 3)

24/1/2008

首爾真係凍到飛起，係雪場都冇咁凍，好似零下負十度咁，

夜晚我地就去左明洞到行，之後又去左南山首爾塔，上面結哂冰，真係凍到癲左，但個view真係好靚

25/1/2008 首爾之行正式開始。GO！
呢日起身真係超級超級凍，之前幾日都係我最早起身，呢日訓到唔想起身，
因為真係太凍啦，間房既暖氣又好似壞左咁，一D都唔暖，想凍死人咩，
十點零十一點我地就出發去仁寺洞，仁寺洞係韓國一個好有藝術氣息既方，
周圍有好多古董同藝術品，又有好多 Gallery，所有商舖都好別緻，
我幾鍾意呢個地方，因為可以欣賞到好多好靚既 Design，
難怪呀 Jo 都建議我地去睇下，之後我地又去左梨花女子大學，
梨大同中大一樣都係歷史悠久，同樣係勁大勁大個隻，
不過梨大 building 與 building 之間既距離就比較密，
可惜韓國個邊放緊寒假，唔係就應該有更多野睇，梨大附近有好多 Coffee Shop，周圍又有好多商舖，呢個時候，當然又係掃貨既時間啦，
我地一真行到差唔多到新村，就搭返車去明洞啦，係明洞行左陣，
就去首爾廣場戶外溜冰場到溜冰，不過對鞋真係著得好唔舒服，玩完隻腳勁痛，但真係幾好玩！

26/1/2008 盡最後努力行哂所有 check point。衝呀～
呢日係韓國之旅既最後一日，因為我仲有好多地方未去，本來細佬打算自己一個人去行，等我地自己 Shopping 夠，但後來我和Mandy都話唔買野同細佬一齊行，我地先去左惠化既馬羅尼矣公園，個到附近有 D 歐陸式既建築物，全部都好靚，令人感覺好舒服，行左差唔多一個鍾到，我地就向東大門出發啦，東大門有座城樓好似兩年前係北京見到個個咁，有 D 似曾相識既感覺，
係街邊食左塊好甜既燒餅，之後又去食燒牛肉，食完已經唔係好夠時間，
我地又分頭行，佢地行佢地既，我就自己周圍貢，約定一個鐘後集合，
行完東大門就到南大門，南大門就好似雜貨店咁好多帳蓬呀大排檔呀咁，
冇乜野睇，求其買左Ｄ手信我地就閃人啦，之後因為我約咗JJ Oppa食飯，
所以就同細佬同 Mandy 分開行！Oppa仲帶咗大仔/太太出來和我一起食飯，我好開心呀！ JJ太太好nice，大仔仔好靚仔！
食飯之後去左會賢站到同細佬/Mandy 會合，然後一齊去 63 大廈睇夜景，可以睇哂全市 360 度夜景！

夜晚，我地約左係釡山識既韓國人呀祿去弘益大學附近既酒吧到啤，佢仲帶埋個 Friend 呀 Steve 一齊黎添，原來呀 Steve 係美國留學過兩年，
所以英文明顯比呀祿好，呀祿仲成日要佢翻譯添，成晚都飲得好開心呀，
直頭飲到唔想走，佢地兩個都係得十九歲，都係"東星"，所以呢晚就我地請客，
最後我地就趕尾班地鐵走，原來韓國星期六日 D 地鐵係會早過平日收，
好在佢地話我地知啫，唔係就要飛的啦，哈哈～

27/1/2008 終於要返屋企 lu。臨別依依～
九日八夜韓國之旅咁就完左啦，好開心可以識到一班韓個朋友，係雪場到做 winter job 既呀運同呀絃啦，藝術家呀 Jo 同佢個畫家老婆京美啦，仲有京美既家姐同佢兩個千金啦，老豆係釡山開餐廳既太子爺呀祿同佢個 Friend 呀 Steve 啦，好唔捨得你地呀，你地黎香港一定要搵我地呀～
Keep in touch 啦！