苗圃挑戰12小時2009

等我講番食豆苗嘅過程啦~起步霸唔到有利位置，我地就迫係人群中間位置~一開始就大塞車，吊下吊下咁~又熱到屎....唉~一路被老公帶住，但至怕一開始就要開快車，上樓梯時又被較慢嘅頂住預住，老公就要行下停下等我，仲問我D戰鬥力去左邊??係呢！你搵唔搵到呀？入到井欄樹個山林仲摟左兩次腳踝，跟住D人都大叫"哎呀"...心稔隻腳反應做咩咁遲鈍架....

去到大藍湖上東洋山前，感覺前段開快左，可能唔夠力~都係食隻蕉好D嘞!之後一路頂上山，真係頂呀頂~天氣又熱....屎得~都唔知行左幾耐就上到基維爾營~好彩有隻蕉咋，唔係肯定漉左落山呀!

今次嘅STRATEGY就係上山平路就急行，落山落樓梯就走啦！就係咁11點半前已到獅子亭嘞~補水後邊行邊食蕉同自家半件腿蛋治。去到引水道小宁宙回來了，慢慢過人，到左大埔道CHECKPOINT，再食蕉食果醬包+POWERGEL。上山上樓梯不斷過人，落山落樓梯就飛落去嘞~

到左城門主霸又再補水，食蕉食果醬包，再行一段又悶又曬的水塘路，仍然係全速前進。一直要追住老公，唔使被拋離太遠，仲過左一D男士添...原來感覺係咁爽嘅~

到左鉛礦坳,一段煎熬人嘅路，上年老公嘅經驗，要係呢段前食GEL，咁先可以好力地頂埋佢~我就一路行一路鬧，好唔容易就到左最後一個CHECKPOINT。

再食多隻蕉，就飛落大埔終點嘞~見時限就到，呢段路一直都係JOG，仲見到鐵姐D FRIEND係前面，心稔跟得到佢地都唔差啦~叫老公頂住頂埋佢，就係咁JOG番終點嘞~好開心係快TARGET咁多嘅時間完成~

TOTAL食左5隻蕉3件果JAM包2包GEL1碗火腿通粉早餐+無限量水同POCARI~仲有一路行一路提醒自己行得鬆D，就係咁對腳就真係鬆晒，上完東洋山落山時四頭肌作抽都鬆番~落山落樓梯好似飄咁，膝頭仲一D都無受力，真好呀~

7小時35分15秒完成，女子公開組第15名，攞左個優異獎，都好滿意囉~