網誌分類：李默社會經 |
經常收到推銷的突擊電話，通常對方會說：我係代表xxx"打番"俾你.........；我一聽見 "打番" 两個字，就有積聚的勞氣。"打番"？我幾時打過電話給你？而需要你"打番"俾我？！我根本就唔知你係セ水？你為何無情白事 "打番" 俾我喎？！ 接着，對方又會說：我將個計劃解釋 "番" 俾你聽...............；呀，又來一個 "番"，你估而家打麻將咩？我從來都冇要求過知道你的セ乜物物計劃噃。每逢這些滿咀 "番字"的推銷員，我都以唔得閒/冇興趣/開緊會........就cut佢線。
好心留意下啲禮貌用語喇，明明你 "突襲" 我的手機，有時過緊馬路，仲要聽見你話 "打番俾我"，真係一肚氣，係你 "打嚟"，絕非 "打番"！不過，討厭歸討厭，佢哋一於仍然滿咀 "打番俾你" ，又 "セ番物番" 咁，因為這是近年的流行！
IMG_2394.JPG
IMG_2391.JPG
IMG_2390.JPG
米莉 2008-07-11 05:55
Miss這一個英文字作名詞是短而快的，就算作動詞都只是前音略長而已。但香港的售貨員老愛唸作「搣 時」，還要兩音都拖長，不是變型是甚麼?
年青人講嘢好兩極，一係好快，好似嗌交；一係好慢，慢到以為佢瞓著咗。
仲有一種，就係自創講嘢風格，但都是怪怪的，我現有一個如此下屬，正在受我的特訓中，搣甩她的壞習慣。
米莉 2008-07-08 06:22
佢地都係同一個師傅調教出來的!同售貨員那一輪機關鎗介紹語同變型「miss」不遑多讓。
李默 - 默姑 - 默姐2008-07-10 19:20
咩野係變型「miss」? 我呢個老餅竟然未聽過呢!
係嘅依家D年青人講野一輪機關鎗，所以佢0地好易把聲拆0左。