工作分享 (一)

(一)有個Patient 係老人痴呆既婆婆, 但成日會用粗口鬧人, 但唔知點解佢唔會鬧我架~
有日我返P更 婆婆仲叫我留下來 :
婆婆: 你今晚收工收幾點?
Cherry: 9點半呀~
婆婆: 咁而家幾點?
Cherry: 8點半呀~......
婆婆: 你今晚 訓對面張床
Cherry : 我唔訓得對面架
婆婆: 吓, 我唔同得你訓架, 我張床咁細, 想迫死我AR~
Cherry : 好啦, 咁我唔同你訓啦~
我覺得D婆婆好攪笑呀~其實婆婆都係關心我~

(二) 有次呢個婆婆又用粗口問候人地屋企人時, 所有人都好唔LIKE, 咁啱我行到佢床位,我就企左係度, 突然婆婆定眼看我, 問我係咪電左頭髮, 我笑說係呀, 心想估唔到佢居然認得我~ 之後佢仲笑話我個頭好"肉酸"呀~ 我咪苦笑又同佢傾計, 佢就完全忘記左著緊鬧緊人既事, 又冇再講粗口了, 婆婆仲話等佢第日出院, 帶我去佢屋企附近既髮廊度電髮tim ar~ 婆婆好可愛~~

(三) 另外有個patient係低智既女人, 佢好少說話架, 只會說多謝,唔該,好或唔好等簡單的字, 佢住左幾耐醫院, 其實d同事都好鍾意佢架, 但佢都唔多講野, 我個人都唔太鍾意講野, 但就好鍾意同d patient 同 公公婆婆等講野, 有次我又走去此女人既床位, 我都未開口, 佢突然用好溫柔的聲音叫 "美珊"

嘩...果刻我好開心...估唔到佢識字又有留意我個名 (因為我身上掛有工作證), 之後同d同事講話佢叫我個名, 個個都好出奇佢識字呀~  其實我想佢係唔開心先唔講野, 所以耐心同溫柔對病人係好重要架~

呢幾日佢同我講多左野, 佢其實好叻讚人架:

"姐姐...你好香呀"

"姐姐...你好靚呀"

聽到我個心很甜,因為知道佢講緊真心話,哈哈~

工作是辛苦的, 這點點滴滴都是我的動力~