星期六遊記

由於媽mi懶既關係，所以到而家先一次過寫番前幾個星期六去過既地方！媽mi抵打呀！

其實上幾個星期媽mi都帶左我去唔同既地方玩呀，加上天氣又好，所以真係好開心呀！！

等我同大家介紹下先~~~~~

首先既係灣仔狗公園.....第一次黎呢到玩既我，可能實在太少機會見到甘多狗狗喇，所以都未係好習慣，不過都好開心呀~

媽mi話呢隻poodle 仔仔好得意喎~

之後既星期六就係再去我最鍾意既地方 - 赤柱喇！ 其實我都唔知點解我甘鍾意呢到架，可能真係空氣清新d，環境又舒服掛~總之媽mi話一去到放我落地，已經好開心甘笑架喇~~  嘻嘻...咩真係架咩？！

媽mi話呢隻bear bear好得意，好想抱我同佢一齊影相喎，但我話我先唔同佢影呀，都唔知呢隻係咩怪物黎既！ 不過bear bear熊好合作甘擺晒pose比我地影相呢！

我呢個含情脈脈樣係咪好迷人呢？

媽媽，我真係好開心呀~~

到岩岩過去既星期六，媽mi帶我去左個新地方叫沙田呀~呢個地方係之前birthday 姐姐同圓咕碌哥哥介紹既好地方黎既。一去到，嘩...真係估唔到有甘多狗狗係到呀...而且地方好好，好乾淨呢！果然冇介紹錯~！

究竟呢位小朋友做咩甘開心呢？

(答案係佢嘹梗隔離枱既姐姐同佢玩呀！)

只要見到野食，就會開心甘笑笑架喇~

呢個傻樣每次見到都忍唔住笑....真係好想問下呢個傻妹做咩笑到甘既？

小bu: 媽mi，甘呢個星期你帶我去邊呀？