没有工作的日子-第六日 (晴)

我今日去咗銅鑼灣見工, 唉~真係好遠, 就算佢請咗我都未必會去做. 但係有工見总好過冇工見呀. 當攞一次見工經驗都好. 而嗰間公司都好奇怪, 叫我上去嗰陣, 唔好同佢嘅reception 講去interview, 話make 咗appointment 就得. 乜請人都噤神秘嘅.

佢約咗我4:30 pm, 我早15分鐘就上咗去, 當我望一望個水牌間公司喺辺個單位嘅時候, 有一個日本人問我係唔係見工, 我又唔敢講話係, 因為個agent 叫我唔去話係見工, 我又唔知佢係辺個, 到佢第二次再問同一個問題的時候, 我只係點咗頭, 仲問佢係唔係吉池さん,佢又話係.

見佢個陣, 佢都係問我一般見工的問題, 如問你點解唔做以前問公司同埋以前係做乜嘢工作等. 又問我屋企去呢度要幾耐. 我答都要個半鐘, 睇到佢嘅表情, 就知佢嫌我住得遠啦. 我都係噤覺得, 鬼叫個agent叫我去見你咩. 跟住佢就同我講,而家啲日本公司好多都搬咗上大陸, 叫我分析一下呢個趨勢對我們求職者有什麼影響?

我就答佢現在的確有好多日本公司北移, 所以我們要時常去中國大陸出trip 係少不免的. 而且而家學日文嘅人越來越多, 但日本公司喺香港的數目就越來越少, 所以現家要喺一啲好似有貴公司規模日本公司做, 除咗要日文得之外, 仲要有其他技能或學歷先得. 唔係嘅話就好易比其他人replace. 我本身都唔介意出ｔｒｉｐ去中國嘅. 因為我係一個鐘意學習嘅人, 我覺得每去一個地方, 就有機會學到新嘅事物. 對我來講都有好處嘅....

不過我好衰唔衰,同佢講佢我plan緊讀postgraduate diploma in professional accounting. 其實應該唔好同佢講, 不過算啦, 份工我本來都覺得遠, 唔想做啦~

跟住佢我問我有没有其他工要見, 我話啱啱先走咗幾日, 呢份係第一份見, 之後的還未有通知.

佢又問我有没有問題問佢, 唉~都唔知問乜好, 未求其問佢幾時有通知. 點知佢話去問問日本, 到星期一下午會找agent 通知我.  不過就算佢話唔請我, 我都唔會太失望嘅, 我都知道有啲嘢係急唔嚟嘅.