行街街2

今日去左荃灣行下，漫無目的甘去左3聯，點知甘就stay左成個鐘。我次次去書局，都有2樣野必睇。一係手工藝書，二係工作用既書~

今日見到一本係教整手工皂，好似好得意甘。但係始終都係d化學野溝來溝去，好驚自己溝得唔好會有問題，於是我都係放棄。

今日睇左本張瑪莉出既書，教小朋友禮儀，好實用，好想係工作上用得到呀~另外，見到有本書，係我當年係台灣買既書的同系列，俾我見到原本出左好多唔同主題。呢一系列工具書，係教小朋友去學習智能，內容係好似堂課甘做，可以用黎開小組或者自己教仔，我覺得做青少年/家庭服務既同工，都可以買黎用~我係書局到偷偷影左佢出既書名，大家睇下有無興趣~

另外，俾我見到一本有關焦慮症既書，又係工具書，以2個cases帶出點樣用認知治療去處理症狀~我睇左好少咋，但又覺得好吸引，而且可以自學，遲d買本睇下先~

除左行書局，仲去左買鞋~好開心，今日買左一對好平既boots~呢間店d鞋係好平家，係荃豐中心入面，大家有時間都去睇下呀~