認真讀年報,學分析

經過今次既投機過程,覺得自己因小失大.

痛前思後,不斷反問自己,點解我睇開既 blogger成為贏家,而我唔係

歸根究底係佢地始終堅持長線投資,價值投資.

而我只係口頭上話長線投資,事實上每日都係度計算組合既市值,希望可以係高位放出去,低位再買返.貪圖差價,忽略價值

更甚者,事後見到維斯,林奇,CUP sir,CKM001等大手係3月份時買入宏利保險,瑞安房地產

當時金融股風聲鶴唳,宏利由120幾蚊日日跌10幾%跌到50幾蚊,相信持有到依家160幾蚊,都有100% - 200%

講真我都不知所措,覺得咁跌法好有問題,所以當佢升返上去,得個睇,得個恨

而以上既BLOGER夠膽買,我相信佢地都計過數,分析過,知道宏利金融既價值,所以唔理市場恐慌,利用恐慌既錯價,密密增持.

我唔敢,因為我冇做得公司年報分析,買賣氣氛容易受市場氣氛同新聞影響,一次又一次地錯失機會...

因此,今日開始我要認真讀年報學分析,由中國人壽保險開始,

因為好多人都分析過,可以參考佢地既分享,再以林森池先生既證券分析一書為分析架構

希望日子有功,將來學有所成.