電波中年

昨日無出 blog, 係因為我同 Hubby 去咗做"電波中年", "戚"起條筋去咗 Sedona 玩, 即時搵間酒店住, 都幾好玩舒服呢!  (雖然話"戚"起條筋, 其實有諗吓嘅, 只係直到昨日先真係認真諗, 係咪真係去, 去 Flagstaff 定 Sedona, 到昨日中午, 人在 Sedona, 先決定係唔係過夜咁, 去邊度住咁囉!)

先報導返前日 Independence Day 先!  我哋去咗老爺奶奶度, 佢哋 invited 埋 Joey 同亞國, 一齊 BBQ (即熱狗同 Burger 啦), 我哋之前仲去奶奶佢哋個 club house 游水, 我無游, 但佢哋都話好舒服, 因無咩人, 又多池(有2個大池, 一個 BB 池同一個 jacuzzi), 水又唔太凍, 唔太熱.  之後我哋就 BBQ 啦!  本來我哋仲有好多節目 prepared o架!  不過我要學影相 for London, 雖然係速成班, 都要好多時間, 始終我一直都係傻瓜機人嘛!

(簡單 BBQ, 我奶奶仲買晒一系列美國國旗碗碟, 攞嚟 Jul. 4th 用添!  我奶奶成日都係咁襯晒o架!)
(我試用 DSLR 同 Uncle Mike 嘅 Goose 影相呀!  好似真係靚過傻瓜機好多!  不過速成班學咗都幾多嘢, 我其實有 D 亂, 希望快 D pick up 啦!)

由於o個晚 turn out 都幾夜, 我同 Hubby 就o係 Uncle Jack 度瞓, 第二朝就直接由 Sun Lakes 去 Sedona.  Sedona 真係好好好好靚呀!  我一向鍾意 shopping 同 Casino 多過去大自然地方 D 嘅 trip, 但今次去嘅地方真係好舒服, 好靚, 好吸引我.  可惜幾部相機都 experienced 無電, 唯有不停轉用唔同相機影相啦!

今次去嘅 Sedona, 出名係 Red Rock, 真係好大好靚, 仲有好多!  我運動細胞唔係好夠, 所以我哋去 Hiking 都只係去咗好短嘅路程, 不過天氣唔太熱, 太陽收咗, 都真係幾 C 服.

(幫我揹背囊嘅 Hubby 影我影佢)
(附近有間酒店嘅 golf course)

去完 Hiking, 我哋去酒店對面嘅 Cafe 食咗少少嘢.  講真, D 嘢食真係唔掂, 不過個 decoration 真係好 family, 好 traditional American diner (不過間嘢有陣味......), 幾特別!

(好好笑嘅 sign, USD5.- charge for Whining, hahahahaha~)

之後我哋就去咗游水.  我哋住嘅酒店本身無 swimmig pool, 但佢哋 sign 咗 contract, 係同附近 Hilton 共用 Hilton 個 Spa 嘅, 所以我哋就去咗 Hilton 嘅 Spa, 嘩!  真係好舒服, 又唔多人, 入面個 shower 都好大o架!  不過唔敢影得咁張揚, 怕比其他客人投訴我啦!

(泳池典中一邊無端端有個噴水池, 成日有雀仔嚟飲水o架!)
(Changing room 一角係 Jacuzzi, D 水溫勁舒服, 又無人, 又夠大, 可惜我發現得太遲, 無咩時間浸啦!  而 Jacuzzi 對面, 無入鏡嘅就係 Sauna 同 Steam Room.)(有埋 Toiletry, 真係起到泡o架!  唔似有 D 地方 offer 比客嘅, 稀到好似水咁, 用咗都唔見得自己乾淨咗呀!)

本來今日想再去游水o架!  可惜我哋酒店今日竟要收每人 USD10.-!  唔去啦!  我哋只可玩一陣就要走, 無謂嘥, 等下次先再去啦!  所以只去咗酒店對面嘅 Factory Outlets shop 咗陣.  o係 Tommy Hilfiger, Hubby 買咗件低於半價嘅格仔恤衫, 我就買咗一件 tee, 一條桃紅 one piece polo 裙, 一套 bikini (幾勇!  咁肥都著 bikini !), USD90.- 唔使 totally.  我再去 Bass 買咗對拖鞋比自己, 一對 walking sandals 比媽咪, 加埋四十幾蚊, 慳咗五十幾蚊.  再去 Gap 買咗2條短褲, 就 total USD30.-.  睇吓我其中某 D 收穫先!

(人字拖係我夏天必備, 呢對真係好軟o架!  我本掙扎買另一對, 因呢對真係好似太 Casual, 不過 Hubby 話呢對好 D 喎!  就呢對啦!)
(呢件 tee 折咗好似 USD10.- 唔使, 我其實覺得太大囉!  不過 Hubby 話o岩喎!  是但啦!  乾衣機縮一縮好好多o架嘞!)

Shopping 完, 我哋就揸車返屋企嘞!  雖然時間短, 但我同 Hubby 都好 enjoy 呀!  可惜我影相唔叻, 所以無辦法影到, show 到 D 勁靚嘅景, 希望我哋9月去 Flagstaff 時我可以影相更叻, 影得更靚啦!

真係老人家嘞!  就係咁玩咗2日, 我都已無咩點郁, 而家都周身骨痛呀!  都要好好休息吓, prepare for 星期六嘅 London trip 先..........