"千千彈彈"

因為我前日出咗2篇 blog, 所以昨日無寫 blog 都唔覺.  無寫 blog, 除咗因為一大堆 spam comment 好鬼煩, yahoo 攪極都唔好外(衰到可以一日幾個 spam, 一日多過一日, D spam block 極都可以又出返嚟再留 comment!  咁比我哋加黑名單嚟做乜??), 自己病咗係主因.

昨日真係好驚, 好耐無試過病成咁, 係完全起唔到身, 呼吸有 D 氣喘, 鼻塞, 仲發埋燒!!!  我十幾年無發過燒嘞!  真係好驚!!  你知啦, 而家 day day 都有人叫住 H1N1, 好驚o架嘛!  所以睇住唔夠關心照顧嘅 Hubby, 我發晒爛渣, 極度 cranky, 喊晒嘈晒!  佢終於都知衰再多加投入咁 took care 我, 我亦好快退咗燒, 昨晚其實已 feel 到好緊嘅, 不過都係早 D 瞓再休息吓啦!  到今日, 大致好返好多嘞, 只係有喉嚨痛, 骨痛同朝早有 D 頭痛囉!  因為星期五老爺奶奶嚟過夜, 我昨日無執屋, 多加一個幾精於整亂間屋嘅 Hubby, 我都唔敢怠慢, 即刻今日要開工啦!  周身骨痛咁做, 真係百上加斤, 唔易 face 呀!

幾攰, 仲有唔 C 服, 都要煮飯o架!  但見自己仲係病緊, 真係唔敢亂嚟, 要食得"千千彈彈", 於是就只用水淥生菜, 炒個芽菜瘦肉就算.

(點解最近影親相都"力不從心"嘅!?  又濛嘞!)

當我有此打算時, 好 blog 友 Phoebe 又出動幫忙嘞!  佢知我病, 昨晚已打比我問好, 今日再打比我之餘, 仲煲咗羅漢果水, 魚湯比我飲, 再整晒料比我有時間煲雪梨水(佢個雪梨水好堅o架!  好多料, 唔落糖都甜o架!), 連我 Hubby 都照顧埋, 比咗一兜魚香茄子比我 Hubby 送飯呀!  佢真係好人呀!  有佢喺附近, 真係有"家"嘅感覺呢!  多謝 Phoebe!

最後希望我快 D 好返啦!  執唔切屋呀~~~