Surprised!

Surprise, 唔係因為我有咗!  各位唔駛估呢樣, hahahahaha~

又無寫 blog 幾日, 因為病咗, 個人真係好攰~

昨日受香港朋友所託, 叫我幫佢喺 Coach 買新 Poppy 系列袋!  Cool!  唔駛自己錢滿足購物慾, 最鍾意呀!  叫 Hubby 車我去 Escondido Fashion Vally 買嘢!

去到 Coach, 原來真係出咗好多新款, 朋友叫我買新 Poppy 系列手袋同 Coins Purse, 二個加埋 USD390 + 8.75% Tax.  我都掙扎想買 Coach 或 Marc Jacobs 手袋, 不過我真係太多袋嘞!  真係唔應該又買, 終於我就 control 到自己無買比自己, 勁!

買袋比錢, 先知 Coach 而家買夠 Poppy 系列 USD200.- 就有嘢送!  本來好有期待o架!  因為見過日本 Coach 嘅贈品, 好靚又 high class!  點知收到份 free gift.........吓!?  咁 cheap 又整得唔靚, 真係牌子形象都 cheap 埋呀!

始終都係病人一個, 加上又肚痛, 本來想食完晚飯先返, 都即時改為買完嘢快快返屋企啦!  返到屋企"辦大事"時, 比我見到地上好多蟻, 正奇怪佢哋來源時, 驚見佢哋有一行蟻爬咗上廁板!  我坐緊上去o架!  超級驚呀!  佢爬上我度點算!??!?  我即刻彈起身, 清潔自己嘅同時, 叫 Hubby 即刻攪掂 D 蟻!  Hubby 話佢之前一日噴過 D 殺蟻水, 可能迫到佢哋走頭無路, 加上蟻鍾意水, 所以就爬去廁所.  我越諗都係越驚, 即刻沖涼, 除衫時都發現身上同衣物上都有幾隻蟻呀!  真係諗起都毛管棟, 到而家都仍未敢去嗰個廁所呀!

早2晚 plant 咗 D 辣椒仔, 蒜頭, basil 同 Rosemary, 諗住唔淋一日水應無咩問題吧!?  而且都唔知係咪應該日日淋水; 見佢哋都幾 healthy 咁.  點知啱啱去睇, 打算淋水, 佢哋竟然乾到 C 咁滯呀!  好驚呢!  都唔知點算, 只係咁淋水, 都唔知究竟要淋幾多先正常, 希望救得返佢哋啦...........唉...................