係咁食真係會食到嘔

星期三係我哋結婚3週年紀念, Hubby 要返工, 我哋都無咩去邊玩/食飯, 只係去咗 blog 友 Phoebe recommended 嘅 Pala Casino Dinner Buffet, Apply 佢哋張咭, 2個人 USD40.- 就可以"落樓".  間嘢設計好似幾 in, 有勁多墨墨同亞洲人呢!

(竟然有燒鴨同燒肉!  不過可惜壽司只有一種)
(佢哋有 ribeye steak, 不過我無食, 就咁食 steak, 佢哋竟 pro 到有 medium rare, medium 同 medium well 唔同 tray 比你選呀!)
(佢哋有好大個 dessert section, 不過我實在太飽嘞!  一向 buffet 主攻 dessert 嘅我, 都只走咗一轉, 雪糕都無食)

食完 buffet 返屋企, 真係超眼瞓, 本應執屋 prepare 昨晚鄰居仔女 sleepover, 但太攰, 只有趕喺星期四去 Phoebe 屋企之前執啦!

講起 Phoebe 請我哋去食嘅 Thanksgiving dinner, 堅呀!  超多嘢食!  佢可以一個人 prepare 大部份嘅嘢, 真係好利害呢!  我哋之前想帶嘢食去 potluck 咁啦, 佢堅持唔比, 反而我哋走時, 佢仲叫食到飽到頂嘅我哋, 攞走 leftover 返屋企食, 真係唔好意思啊!

(圖中只有2碟唔係 Phoebe prepare, 相中未上枱嘅仲有都係 Phoebe 整嘅三文魚頭湯, 超極好味 tiramisu, Phoebe 朋友帶嚟嘅 Bean casserole, 同另一朋友帶嚟嘅 clams, 好飽呀!!!)

食完飯唔好意思都要早走先, 因要去"迎接"鄰居細仔同女.  鄰居要去"決戰 Walmart Thanksgiving sale", 我哋幫佢睇住細嗰2個, 佢哋喺我哋到瞓.  其實呢2個小朋友我同 Hubby 都好鍾意, 亞女8-9歲, 好乖; 細仔5歲就好 cute, 細仔仲好好笑o架!  佢久唔久會無端端瞓著覺, 試過出屋企門口玩, 瞓喺路邊"享受陽光", 可以"享享吓"就瞓著, 老豆見到就抱佢返屋企.......仲有好多, 佢真係好好笑.  無嚟 sleepover 嘅大仔都好笑o架, 講嘢成日懶 mature 學大人, 我同 Hubby 成日暗地講笑, 覺得佢似24歲多過12歲, hahahahaha~

Anyway.  昨晚小朋友 sleepover, 係我哋第一次 babysit 同有小朋友嚟 sleepover, 整體經驗都幾開心, 佢哋都算聽話啦!  係細仔有2-3次發少少脾氣, 不過好快無事.  但對住佢哋真係超 exhausting; 因為佢父母一向比佢哋好高自由度, 昨晚佢哋又打 wii 又睇戲咁, 攪到十一點幾先肯瞓.  未試過幫人睇小朋友過夜嘅我, 成晚都擔心唔知佢哋有無事, 成晚瞓吓醒吓, 今朝又驚佢哋早起, 晨早就起身.  我已經超攰, 但佢2個都好 huper, 除咗我陪佢哋玩吓外, 唔同佢哋一齊玩時都要睇實佢哋.  未做過家長嘅我, 真係睇佢哋嘅"活動", 久唔久都驚佢哋整親, 何況佢哋係外國小朋友就更"活躍".  終於到中午, 佢哋媽咪嚟接佢哋, 點知細仔突然話要嘔!  嚇 C 我呀!  佢真係嘔咗一大餐, 媽咪後嚟笑問我係咪比咗好多嘢佢食, 我都唔識答, 勁唔好意思又勁驚, 好彩佢個女自己答, 話細佬成日叫肚餓, 所以食咗好多嘢...............好驚呀!  希望佢無事啦!  始終係人哋個仔嘛!  不過我問過2個細路仔, 佢哋都話嚟我哋度 sleepover 好好玩, 仲話要再嚟添!

鄰居佢哋走後, 我先知自己原來有幾咁攰!  真係散晒呀!  都係趁時間尚早, 快快嚟個午睡, 之後執嘢 prepare 明日上 Big Bear 先!  已知會落雪呀!  Cold~~~