反常

由香港返到美國以嚟, 除咗第一日真係超攰, 真係可以瞓到, 次後晚晚都瞓唔好.  前晚只可以由 5.30am 瞓到昨日中午 12.30, 昨晚仲衰!  半夜 2.30am 只可以瞓到 4.30am!  成晚眼光光!  仲要唔知係咪呢個 trip 太急, 唔知原因地令我每晚一到瞓時就有一種莫名恐懼感, 相對我估更難瞓到!  真係唔知挨到幾時呀!

今朝一早無嘢好做就上網啦!  Boris msn 我比返我哋去香港同佢哋食飯時嘅魚眼相我, 真係超好笑呀!  自己點都係女仔人家, D 相咁核突都係唔好 post 啦!  出賣吓 Hubby 嘅嚟笑吓啦!  用魚眼影, 比起平時用著通鏡, Hubby 成個樣都變晒, 真係醜樣好多呀!  hahahaha~

自香港返嚟, 心情都唔多好, 又悶悶哋, 見呢排官恩娜喺香港咁 hit, 上 You Tube 睇吓佢 D 片啦!  無可否認, 佢唱 Endless Love 真係好勁好好聽, 夠氣高音又唔走音, 好堅.  不過更大發現係無意中 click 到羅志祥小豬扮嘢片段!  以前一直只知佢唱歌, 跳舞又得, 同 Jolin 有緋聞, 同早一年半載話比人喺網上呃感情, 就係咁多, 原來佢喺台灣出名扮人叻, 成日扮唔同藝人, 王力宏, 劉德華, 郭富城, 張學友, 蘇打綠, 周杰倫等等, 好多好多, 真係扮得又似又好笑, 咁我就笑足成個下午, 人都開心返少少咋!

(Obviously, 呢張係明報裝上相啦!)

唉!  風 "lan" 又開始復發嘞!  Hubby 又要返工, 都唔閒帶我去睇醫生, 真係煩!  雖然今日太痕, 同痕到停唔到, 我已食返上次返香港個西醫比我嘅藥, 但只有3日, 有鬼用咩!  所以又約咗中醫星期六上午嘞!  唉!  呢2個月日日都要食藥, 到底我幾時先好呀???