尋寶

今日心情差, 加上 Hubby 連日做嘢或同 friend 玩, 無咩時間陪我, 今日佢就比返大半日我, 同我做我想做嘅嘢, 本來因為心情唔好, 都唔知去邊"醫"自己, 但 Hubby 睇穿我 shopping 吓會好心情嘅習慣, 所以帶咗我去 shopping.

早幾日 blog 友 Isabella 提起 Anna Sui 同 Target crossover 出 Gossip Girl 系列衫, 我好想睇吓有無嘢啱我, 怕如 Isabella 所講, D 衫好快就賣晒, 所以我即刻 online 訂咗幾款, 喺等貨到嘅同時, 我今日都忍唔住去 Target 睇吓.  嘩!  真係 Anna Sui 呀!  好開心呀!  雖然款唔多, 睇真有好多都唔多啱心水, 啱嘅有 D 又喺網訂咗, 我都搵咗2件買, Anna Sui 嚟講, 真係好平呀!  紅色同灰色2件都係, 一件 USD25.- plus tax, 另一件 USD35.- plus tax, 另外再買件其他牌子減價黑 tee 襯衫.  不過返屋企試上身, 又係咁嘞!  又"因"錯自己 size, 太大件嘞!  真係唔知點解, 人越大, "因"得越錯, 成日都係咁!  3件得灰色嗰件啱, 但又超薄要打底, 唔係真係幾掂; 不過都唔理嘞!  打底就打底啦!  返 Target 想換返另外2件 size 啦!  又無喎!  算啦!  打道回府!

除咗衫, 我仲好想買 boots; 上網睇過 GEOX 出咗對超 C 服平底 boots, 唔記得睇過邊個網頁形容, 個鞋底 C 服有如波鞋.  對 boots 比較貴, 要 USD260.- plus tax, 但我自己對腳唔好, 人越大, 越易腳痛, 真係要呢類好鞋底先得.  可惜我哋附近無, 要去到 Escondido 嘅 Nordstrom.  去到 end up 都無, 真係有 D down.  不過比我搵到呢對減價鞋呀!  USD200.- 減到 USD130.-, 成對都係好軟嘅羊仔皮, 真係好 C 服, 多謝 Hubby!

食完 all you can eat sushi, 本來我仲打算睇戲o架!  不過 Hubby 有客 call, 所以無得睇囉!  不過我哋去咗租碟, 租咗2套, 今晚先睇第一套, 就係 X-men.  真係好緊張呀!  無咩冷場呢!  成套戲完全無廁所位, 唔係 American hero fan 嘅我, 都覺得真係好值得睇呢!

其實我昨晚都有睇戲呀!  不過就咁睇 movie channel.  真係估唔到, 我仍會因為呢 D 小朋友戲而甜 C C 呀!  hahahahaha~  套戲叫 Pop Star, 係由舊 Boy band Backstreet Boys Member Nick Carter 嘅細佬 Aaron Carter 做, 幾靚仔呀!  又嫩口!  hahahahaha~  故仔係講個 teen pop singer 係萬人迷, 但讀書唔掂, 要同學校高材生做朋友, 一齊溫書之類.  呢個高材生係人人形容為 Nerd 嘅女仔, 係萬人迷 fan, 又成日 day dream 要搵個好 match 嘅男友, 一生一世, 終於就因而中咗毒, 以為萬人迷鍾意佢, 後來發現唔係而好 hurt!  不過呢 D teen movie 又點會有 sad ending 吖!  End up 萬人迷梗係同呢個 Nerd 一齊啦!  呢套戲擺明係比 teens 睇嘅愛情小品, 估唔到我呢 D 一把年紀都睇得咁開心, 比個故仔迷到呀!  hahahahaha~

(個 DVD 封面真係影得個男仔唔好, 不過戲入面就影得好靚仔呀!)