21歲

  星期五夜晚過左12:01

  呀媽端出一個插了一支蠟燭的朱古力CAKE給我.

  許願後簡簡單單的吃了~

 從來只有我幫朋友祝生日, 而會為我祝生日的就只有呀媽.

 縱使我有時不太喜歡她的思維方式, 亦常令我火大.

 但我始終好重視與家人既感情, 無論如何都珍重著.

  星期六 整天都散慢地做Research功課.

  兩星期前的作業計劃都因為各種額外事情打亂了.

  覆診, 研究財務問題, 陪fd放假.

  星期一要present, 唯有決心大少少盡量迫自己做.

  不過懶就係懶, 寫寫下野就不自覺畫公仔...

  因為前排執好d文具, 更隨手拎起d木顏色同乾粉彩簡陋上色...

  我都唔知點解要畫哭泣的表情, 可能我心裡想哭.

  呢次想講下漫畫家.

  最近比較留意到有d日本漫畫家原來將自己生活感情投射到作品進程.

  有意無意就不得而知.

  例如早前失蹤既蠟筆小新之父.  (現在更離開人世了...)

  有報導指出事前故事已開始起左性質變化, 如有角色死去等事情.

  指作者可能生活有所不快之類.

  而之前我提及過的水星領航員.

  這個美好而充滿感情既故事, 到中後期都有點現實要素出現.

  例如社會上弱者內心的悲傷不甘. 

  而令我覺得比較強烈既係 "離別".    而且係一而再,再而三既離別感覺.

  曾聽說作者創作此作品時期, 愛貓相繼的離世.    (作品名ARIA也是愛貓的名字)

  當時我已不禁想像, 作者是否想令讀者都感受一下心愛的離別之感呢...

  這個作品比到我一份難忘既美好回憶, 但因為她那帶有離別之感的完結.

  我曾有好幾日就寢食難安.  

  一接觸到此作品的任何媒介都會觸發到那份美麗的傷感.    尤其是她的音樂.

  所以我覺得, 有D並非業績最顛峰既創作人.  佢地既作品反而非常有深層意義.

  那是一個一味商業既創作人點都做唔出既EFFECT.

  奈何我沒有從身邊找到志同道合真心欣賞好設計的朋友.

  我見到的都是既自私, 又只顧分數與出貨量的盲幹者.