南丫島宿一宵 DAY 1（20090606）

2009年6月15日（星期一）雨   

6月6日為慶祝Z姐姐生日，

我同朗朗第一次「今天不回家」，在外「宿一宵」。

之不過，媽媽嗰日竟然瞓過龍；約朋友1點9喺中環4號碼頭等。

點知佢12點半至彈起身，傻吓傻吓仲想繼續瞓。

我見佢坐咗起身呆吓呆吓，又瞓番落床；

「喂．．．起身啦～」

佢個傻婆竟然無教鬧鐘，連Z姐姐打電話比佢都聽唔到，有無咁爛瞓呀你？？

（媽媽：呢個情況真係好少發生．．．算你（Z姐姐）唔好彩啦～）

呢日媽媽帶住3個大袋 ＋ 我同朗朗一齊出發，

去到南丫島榕樹灣已經下晏4點幾。

我哋就約咗啲朋友仔喺餐廳度會合

渡假屋就喺洪聖爺灘上面

千奇唔好俾“包租公”嘅可愛樣呃到呀～

我哋放低行李，又再次出發；

走返出榕樹灣行街、買嘢。

行到又熱又攰；

（媽媽：救星出現啦～）

梗係要食番碗出名嘅「阿婆豆腐花」＋ 「豆漿」啦～

（啲豆腐花真係名不虛傳，真係好滑！！）

離開「阿婆豆腐花」，媽媽發現咗呢隻嘢；

佢好細好細隻嫁！！

媽媽佢哋仲搵啲嘢“聊”到佢興興哋，ALEX哥哥就趁機幫佢影咗張靚相。

行到出榕樹灣，媽媽見到天后廟門外嘅石獅，就話要同佢影相。

近睇先知，佢粒眼珠係「波子」嚟嫁～

嘩．．．呢日個日落真係勁靚。

太陽伯伯休息，周圍都變到黑晒～

呢間以書為主題嘅CAFE，真係好多人幫襯

仲有好多小飾物舖

我哋住嘅地方好近“洪聖爺灘”，

所以就喺榕樹灣買咗啲燒烤食物，搬番嚟燒。

嗰日連夜景都勁靚！！

唔怪得個月亮又圓又光啦～

原來嗰日喺初十四，再過2個鐘頭就係十五啦～

燒烤場環境一流，再加上“發電廠”嘅夜景；

簡直係無敵、SUPER～

媽媽一早已經預備好個「日式炭燒芝士蛋糕」俾Z姐姐，諗住俾個驚喜佢；

接近零晨12點，佢返番渡假屋攞蛋糕嘅時候至發現原來無刀仔，

佢心諗無理由咁危險，攞住把咁大嘅菜刀周圍行嫁～

（博拉咩？？）

點知佢望處個廚房一陣，就陰陰咀笑．．．

究竟點樣解決呢個問題好呢？？

你哋諗唔諗到？？

登．．．登．．．登．．．

「鍋鏟」切蛋糕，夠爆啦掛～

切完仲可以鏟起個蛋糕，夠穩陣啦掛！！

燒完嘢食返到去渡假屋已經係零晨4點幾啦．．．

鈎魚中．．．

你哋唔瞓，我哋都要瞓嫁．．．想攰死人咩？？

～ 待續 ～