Oct 22 Sea World

今日我地會去Sea World….一個類似海洋公園的theme park…

係酒店附近搭左20分鐘巴士就可以去到SEA WORLD …今朝個司機超級無禮貌…問一句已經悔悔氣氣…問多句D態度惡到我以為自己得罪過佢…傻架

好彩落車遇到個好NICE的女子…佢見我地望左個巴士站牌一陣…主動黎問我地係米有問題…當打和啦!

Sea World 其實都好細…不過又幾特別…有好多海豚, 未見過的polar bear, 海獅, 鯊魚, 熱帶企鵝, 海鳥, 滑水表現, 單”鬼” 觀光列車…唔”啦”更”既芝麻街, 迷你版吊車, 水族館, 滑浪飛船

仲有呀…原來齋”老”味係有英文版架! 齋”老”味你有陣”老”味味 = Yellow bird…u are a yellow bird…哈哈…又”增廣見聞”左!

可能澳洲人的保育意識真的比我們強好多…佢地好同大自然融合…好多動物都好自由甘活動…唔會有cage 困住…d海鳥周圍”fei”…一d都唔驚人…d海豚仲正…園入面有好多個”池”都有海豚…有d近到d海豚可以游埋我們身邊…差不多摸到佢地….好正

另外…佢地都好愛惜d動物…換句話說即是表現好hea…例如d海豚表現時都唔駛”jump”到好高頂波既… 相反, 佢地會花好長時間介紹d 動物…生態環境等等 (如果我無理解錯d英文)

澳洲人的環保意識都強…成日都見到d叫人珍惜資源既reminder!

有套4d電影…叫做 planet sos…係以輕鬆手法去帶出人類破壞環境 (例如拖網捕魚, 砍伐樹木, 溫室效應)從而影響生態, 好有”啟發性”

另外, polar bear個樣好笨…瞓係泥上面的牠好似一大粒”糖不甩”, haha

唔知係天氣反常定係澳洲天氣係甘…今朝都仲好好天…但我們入園無耐就烏雲密佈然後落大雨…落下停下…掃興到極…到兩點幾…個天d雲厚到不得了…跟住落左一場令我好難忘的雨…

當時我們等睇海獅表演…因為已經落緊毛毛雨…所以我地就坐係高中位諗住唔駛俾雨”撇”濕…本來已經好黑的天突然間更加烏雲密佈…仲刮起大風…之後就落好大好大的雨…氣溫一下子急降…我著住addidas外套都冷…仲行好大的雷…雨愈落愈大…愈來愈嘈…望真d原來落緊冰雹…打落鐵皮上蓋…好嘈…感覺好似會塌下來甘…氣溫亦愈來愈低…我凍到攬實個袋取暖…橫風橫雨到坐係下面的人不斷向上避…好似”明日之後”d人走難甘…最後連我們高中位都”撇”濕…好恐怖….天氣甘差…個show當然要取消…單”鬼” 觀光列車, 迷你版吊車同機動遊戲都要關閉

之後的氣溫都好凍…一直都凍到打震…

今日我地又食包當lunch…晚上到酒店附近的hungry jack’s食晚餐…又係fast food…係電視廣告見到好吸引…反正都要食fast food…就試下啦…都幾好食!

最過癮係…佢有 free refill．．．我地就諗左條屎橋．．．臨走ｒｅｆｉｌｌ一杯拎返酒店等明天飲．．．可以慳返汽水錢．．．好ｃｈｅａｐ！！　ｈａｈａ

我都算食慣ｆａｓｔ　ｆｏｏｄ，　西餐．．．所以so far都唔算唔慣．．．但無飯不歡的人黎到點算呢．．．我甘耐一粒飯都未見過．．．話時話甘多日我都係食包, cup noodle, 即沖薯茸, fast food…我好似瘦左d

今晚要執行李．．．因為要轉酒店．．．明天轉到相隔兩條街的ｉｓｌａｎｄｅｒ　ｒｅｓｏｒｔ．．．唔捨得甘靚的酒店希望　ｉｓｌａｎｄｅｒ　ｒｅｓｏｒｔ都好啦！