Oct 28 - local tour 的第一天

今日係local tour 的第一天…我地五點幾就起身…趕住六點八的pick up…六點半落到街…條街都無咩人…好彩唔凍…

 

一直等到7點都唔見影…我米打電話去問agent…點知佢叫我繼續等…我驚大家有誤會想confirm個位置…佢竟然話”what u need to do is to wait for the coach in the lobby”…甘無禮貌…我米答返佢”u know, I have been waiting for the coach for more than 30 mins…. It is supposed to pick me up at 640. and, u know, I m not in the lobby, I m on the street and it’s freezing!!”雖然佢都係叫我等…不過唔好再恰我呀!!!!!

 

等到搭四都唔見…我就又打多次去…今次佢就同我講sorry la…不過佢都係叫我等

 

終於等到730…足足一個鐘

 

架車係兩層的旅遊巴…乘客係上半層…行李同司機係下半層…好似好豪甘

 

今日行程….由基督城出發去皇后鎮…沿途經過Mountain Cook, ….

 

同澳洲一樣, 呢度既司機同時充當導遊, 沿路一邊開車一邊介紹景點…加上d路好彎曲…又唔覺佢地轉彎收油…我覺得好危險….

 

經過一處地方有好多幾靚的小屋…唔聽司機講都唔會知d屋係政府起的…即係公屋…但香港d公屋…um…

 

今日個司機個樣有d似董標…我覺得佢都幾pro…唔係吹水…佢一直係度介紹歷史…講得好慢…d口音好好聽…感覺好似係大學上緊lecture!

 

後來我地係路邊見到架飛機模型…原來因為附近有個aviation museum…董標仲話以前澳洲飛紐西蘭要成17-22個鐘…而家只需要2個鐘到

 

我地第一站係”kiwi country”…其實係手信店…本來想買件毛毛褸俾媽媽…順便呢幾日可以著下….但著上身又好似唔係特別厚…又係made in china…所以我就放棄左!

跟住我地就向Lake Tekapo出發

 

個度靚到好似一幅山水畫…藍天白雲, 陽光普照…碧水藍天…但係好曬好大風…吹到我都企唔穩…完全睇唔到相機個screen…只是舉手亂影…但d相都好靚…

 

沿路我地經過好多草原….好多都有大群羊或者牛…有d羊俾人剃左毛…光脫脫甘…好醜樣…haha

 

講開導遊…除左司機…我地仲有個日本女人跟住….不過我估佢主要係黎照顧班日本團友!! 董標一路用英文介紹…日本女人就即時透過headphone翻譯…我諗我地係唯一兩個最唔知發生緊咩事的人…

 

個團都好特別…唔係我地一般跟開旅行團模式…平時我地如果JOIN 9天團…日日都會對住同一班人….呢度唔係既…我估佢地只係將報左去同一地方的人GROUP埋一起所以日日都會唔同…今日仲離譜…LUNCH之前D”團友”已經不斷上上落落…LUNCH之後連日本女人都換埋…我真係有D驚…我地又認唔到佢地…佢地又唔會記得我地…會唔會漏低我架!

 

我地又見到彩虹呀!!!!

 

到晚上7 點幾…我地終於去到queenstown… 足足十二個鐘!!

 

係 Blue Peak Lodge Check-in完, 我地見個apartment 有廚房…所以就決定煮飯食餐好d既, 放低行李…就再向supermarket 出發…

 

今晚我地食咖哩烏冬, 忌廉soup同牛扖…係十幾日黎最豐富的一餐

 

明天去Milford sound, 希望唔會太凍啦!