網誌分類：未分類 |
返左黎香港一個星期, 太好啦,有腸仔炒蛋, 有燕窩, 又有鮑魚湯, 好味到不得了...呢個月唔見左既磅數都返哂黎(好似仲有多)
上個星期係sydney機場滯留左8個半鐘, 上到機又因為天氣太差起飛見唔到, 黑到不得了...
由於天氣太差,起飛之後遇到好大氣流, 拋到有d離心力, 都幾驚...好彩之後都穩定下來...
不過可以難得地見到又圓又大的月亮同自己水平高度, 補返數啦!!
返到香港已經係凌晨三點幾, 辛苦左男友, 做完一日野仲要係機場等通宵, thanks so much!!
其實我都唔算慘, 雖然要凌晨出機場, 但話哂係自己地方, 都知道可以點走, 仲有男友義不容辭地等我...如果我係遊客, 甘夜黎到都唔知點好...
我係機場甘耐做過咩呢?我食左個又貴又唔好食既pizza, 逛下唔吸引既duty free同上下網, 玩下msn...至於同邊個msn就唔好講啦...因為個時係hk既office hour黎既, haha
"你"可以留言自首!!
返到黎實左太好啦
Thank you very much for the CD and the songs!! they are so valuable to me, not because of the songs themselves, but the love behind!!
S017 2008-11-25 22:35
唉... 我嫌我o個日太遲開msn, 因為冇諗過你會 online, 又冇人得閒同我傾計 (我唔係話我得閒), 知就早o的online, 可以同你傾多o的.
哈, 我想知當時有幾多個人同你 msn 緊.
其實我 msn 都唔算誇張, 之前 Abby o向佢個blog公然講o向公司上網睇奧運 (係我教佢睇既), 仲要係佢同事係會睇佢個 blog 的.
A2008-11-27 15:25
估唔到你地真係會自首, 哈哈!!最多好似三四個....我直情將所有window平排甘放...不斷甘覆...忙過返工
多謝你地啦...無左你地我個幾個鐘都唔知點過
不過其實我個時唔係用自己部notebook,sydney 機場wifi要俾錢, 一直我都係係kiosk到上網, 企到超級攰...好彩無人排隊
Fanny 2008-11-22 23:11
在那邊吃一定不及香港，也難怪你瘦了回來呢 !
和你msn 的那個人又睇落幾好人，返工時間冒住比老闆發現的危機，都和你傾計，我諗你真係要請那人吃飯呢，哈哈
A2008-11-27 15:33
係啦真係超級好人，你知嗎，其中一個仲好人到幫我同男朋友做中間人傳訊息，真係唔知點報答佢!!!!!!!